తెలుగు టీవీ సీరియల్స్ అన్నింటిలో స్టార్ మా టీవీలో ప్రసారమయ్యే సీరియల్స్ కి ప్రతీ వారం అత్యధిక టీఆర్పీ వస్తుంది. అయితే గత నాలుగు నెలల క్రితం వరకు బ్రహ్మముడి సీరియల్ నెంబర్ వన్ లో నిలవగా.. ప్రస్తుతం ఆ రికార్డుని గుండెనిండా గుడిగంటలు సీరియల్ బ్రేక్ చేసింది.

గుండెనిండా గుడిగంటలు సీరియల్ లో బాలు, మీనాల పాత్రలు తెలుగువారికి తెగ నచ్చేస్తాయి. మొదట్లో తాగుతూ భాద్యత లేకుండా కన్పించిన బాలు, మీనాని పెళ్ళి చేసుకొని కామన్ మ్యాన్ గా మారిపోయాడు. ఇక బాలు వాళ్ళ అమ్మ చిన్నతనంలోనే తనని జైలులో పెట్టించడంతో.. అమ్మ ప్రేమకి దూరమయ్యాడు. ఇక వాళ్ళ అమ్మ చేసే అప్పులకి ఇళ్ళంతా బాదల్లోకి వెళ్ళడంతో కుటుంబ భారాన్ని బాలు తీసుకుంటాడు. బాలుని అర్థం చేసుకునే భార్యగా మీనా సపోర్ట్ ఇస్తుంది. ఇదే ప్రస్తుతం ఈ సీరియల్ ని నెంబర్ స్థానంలో నిల్చోబెట్టింది. అయితే స్టార్ మా సీరియల్స్ లో ఇల్లు ఇల్లాలు పిల్లలు, నువ్వుంటే నా జతగా లాంటి కొత్త సీరియల్స్ రావడంతో సాయంత్రం టైమ్ స్లాట్ నుండి బ్రహ్మముడి సీరియల్ ని తీసి మధ్యాహ్నం టైమ్ స్లాట్ లో వేయడంతో బ్రహ్మముడి టీఆర్పీ పడిపోయింది.

గుండెనిండా గుడిగంటలు సీరియల్ 9.27 తో అగ్రస్థానంలో ఉండగా, పడమటి సంధ్యారాగం 9.11 తో రెండో స్థానంలో ఉంది. కార్తీకదీపం-2 సీరియల్ 8.90 రేటింగ్ తో మూడో స్థానంలో ఉండగా, ఇల్లు ఇల్లాలు పిల్లలు సీరియల్ కి 8.47, మేఘసందేశం సీరియల్ కి 8.38 రేటింగ్ వచ్చేసింది. ఇక ఈ వారం టాప్-5 లో మూడు స్టార్ మా సీరియల్స్ చోటు దక్కించుకున్నాయి.