English | Telugu
దూరదర్శన్ నటీమణులతో ఒక సీరియల్ వస్తే బాగుండు
Updated : Nov 2, 2024
ఒకప్పుడు దూరదర్శన్ రాజ్యమేలే రోజుల్లో వచ్చే కొన్ని సీరియల్స్ ఐనా కానీ వాటి కోసం కళ్ళు కాయలు కాచేలా ఎదురు చూసేవారు ఆడియన్స్. అలాంటి దూరదర్శన్ ఛానల్ వచ్చిన రుతురాగాలు సూపర్ డూపర్ హిట్ కొట్టింది. అలాగే డామిట్..కథ అడ్డం తిరిగింది. అలాగే భమిడిపాటి రామగోపాళం కథలు, వేయి పడగలు, ఆనందో బ్రహ్మ ఇలా చెప్పుకుంటూ పొతే బోలెడు. ఇక ఋతురాగాలు సీరియల్ లో నటించిన శృతి, ప్రీతి నిగమ్ అలాగే డామిట్ కథ అడ్డం తిరిగింది సీరియల్ లో నటించిన జ్యోతి రెడ్డి వీరంతా అప్పటి నుంచి ఇప్పటి వరకు ఎవరు గ్రీన్ నటీమణులుగా చెలామణి అవుతూనే ఉన్నారు.
ఇప్పటికీ సీరియల్స్ చేస్తూ మూవీస్ లో నటిస్తున్నారు. అలాగే సోషల్ మీడియాలో కూడా రీల్స్ చేస్తూ ఎంటర్టైన్ చేస్తున్నారు. ఇప్పుడు వీళ్లంతా కలిసి ఒక వీడియో చేసి ఇన్స్టాగ్రామ్ లో ఒక పోస్ట్ పెట్టారు. "ఆనాటి ఆ స్నేహమానంద గీతం" అనే పాటకు వాళ్ళు స్టెప్స్ వేశారు. ఇక ఈ వీడియో చూసిన నెటిజన్స్ కూడా కామెంట్స్ చేశారు. "మీరు మళ్ళీ మంచి సీరియల్స్ తో కం బ్యాక్ ఇవ్వాలని కోరుకుంటున్నాను. చేసిన నెగటివ్ రోల్స్ కాకుండా మంచి కామెడీ రోల్ చేయాలని యూట్యూబ్ ఛానెల్ ఓపెన్ చేసి మంచి మంచి వంటలు చేయాలని కోరుకుంటున్నా" అంటూ పోస్ట్ పెట్టారు. "ఇక వీళ్లంతా కూడా మంచి అవకాశం వస్తే అందరం కలిసి నటించాలని ఉంది" అని రిప్లై ఇచ్చారు.