స్టార్ మా టీవీలో ప్రసారమవుతున్న సీరియల్ 'బ్రహ్మముడి'(Brahmamudi). ఈ సీరియల్ బుధవారం నాటి ఎపిసోడ్ -637 లో.... రాజ్, కావ్య డబ్బు డిపాజిట్ చెయ్యడానికి వెళ్తుంటారు. దారిలో రాజ్ కి వెక్కిళ్లు వస్తాయి. రాజ్ కి కావ్య ముద్దు పెడుతుంది. ఏంటి ఇది సినిమా అనుకున్నావా ముద్దు పెట్టగానే వెక్కిళ్లు ఆగిపోవడానికి అంటూ వాటర్ కోసం షాప్ దగ్గర ఆగగా రాజ్ వెళ్లడం చూసి రౌడీ వచ్చి డబ్బు తీసుకొని వెళ్తాడు. రాహుల్ కార్ లో పడేసి పారిపోతాడు. రౌడీని రాజ్ , కావ్య పట్టుకుంటారు. నిన్ను ఎవరు ఇలా చెయ్యమన్నారని బెదిరించగా రాహుల్ అని రౌడీ చెప్తాడు. దాంతో రాజ్, కావ్య షాక్ అవుతారు.

ఇంటికి వెళ్లి రాహుల్ సంగతి చెప్పాలని రాజ్ అనగానే.. మీరు వెళ్ళండి. ఇప్పుడు నాకు మొత్తం అర్ధం అయింది.. నేను వస్తానంటూ కావ్య అంటుంది. ఇంటికి వెళ్లి రాజ్ రాహుల్ ని కొడతాడు. రెండు కోట్ల డబ్బు కొట్టేసాడని రాజ్ అనగానే అందరు షాక్ అవుతారు. అసలు నీ దగ్గర డబ్బు లేదన్నావ్.. నన్ను షేర్ మార్కెట్ వాళ్ళు బెదిరిస్తుంటే కూడా సైలెంట్ గా ఉన్నావని రుద్రాణి అంటుంది. అప్పుడే కావ్య రుద్రాణిని బెదిరించిన వాళ్ళని తీసుకొని వస్తుంది. వీళ్లేనా అంటూ కావ్య అనగానే.. రుద్రాణి షాక్ అవుతుంది. వీళ్ళు జూనియర్ ఆర్టిస్ట్ లని కావ్య చెప్తుంది. వాళ్ళు కూడా నిజం ఒప్పుకొని వెళ్ళిపోతారు. ఎందుకు ఇలా దిగజారి ప్రవర్తిస్తున్నావ్ రుద్రాణి అంటూ ఇందిరాదేవి కోప్పడుతుంది. ఇదంతా రాజ్, కావ్య నిజస్వరూపం బయట పెట్టాలని చేసాను.. ఇన్ని రోజులు డబ్బు లేదంటూ ఇంత డబ్బు ఎందుకు దాచిపెట్టుకున్నారని రుద్రాణి అడుగుతుంది. నేనేం చేసిన కంపెనీ కోసమే.. ఏదైనా మూడు నెలల గడువు అడిగాను కదా.. అప్పటి వరకు ఆగండి అని రాజ్ చెప్పి వెళ్ళిపోతాడు.

ఆ తర్వాత మూడు నెలల టైమ్ గడుస్తూ ఉంటుంది. స్వప్నకి నొప్పులు మొదలవుతాయి హాస్పిటల్ కి తీసుకొని వెళ్తారు. కావ్యకి అపర్ణ ఫోన్ చేసి నువ్వు పిన్నివి అయ్యావ్.. స్వప్నకి పాప పుట్టిందని చెప్తుంది. తరువాయి భాగంలో స్వప్న బిడ్డతో హాస్పిటల్ నుండి ఇంటికి వస్తుంది. అప్పుడే డాక్టర్ రాజ్ కి ఫోన్ చేసి మీ తాతయ్య స్పృహలోకి వచ్చాడని చెప్పగానే అందరు హ్యాపీగా ఫీల్ అవుతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.