వెంకీ హీరోగా మెహెర్ రమేష్ చిత్రం జనవరి నుండి ప్రారంభం కానుందని విశ్వసనీయవర్గాల ద్వారా అందిన సమాచారం. ప్రస్తుతం విక్టరీ వెంకటేష్ "సీతమ్మ వాకిట్లో సిరిమల్లె చెట్టు" అనే మల్టీ స్టారర్ చిత్రంలో ప్రిన్స్ మహేష్ బాబుకి అన్నయ్యగా నటిస్తున్నారు. ఈ చిత్రం పూర్తికాగానే వెంకటేష్ హీరోగా మెహెర్ రమేష్ దర్శకత్వంలోని చిత్రం జనవరి నుండి ప్రారంభంకానుందని తెలిసింది.

ఈ చిత్రంలో వెంకటేష్ సరసన రీచాగంగోపాథ్యాయ హీరోయిన్ గా నటించనుంది. "నాగవల్లి" చిత్రం తర్వాత వీళ్ళిద్దరూ కలసి నటిస్తున్న చిత్రం ఇదే కావటం విశేషం. ఈ చిత్రానికి తమన్ సంగీతాన్ని అందిస్తుండగా, పరుచూరి ప్రసాద్ ఈ చిత్రాన్ని నిర్మిస్తున్నారు. కోన వెంకట్, గోపీ మోహన్ వంటి ఘనాపాటీలు ఈ చిత్రానికి కథారచన చేశారు.