English | Telugu
సముద్ర దర్శకత్వంలో శ్రీకాంత్ కొత్త సినిమా
Updated : Dec 20, 2011
సముద్ర దర్శకత్వంలో శ్రీకాంత్ కొత్త సినిమా రెగ్యులర్ షూటింగ్ డిసెంబర్ 21 వ తేదీ నుండి ప్రారంభం కానుంది. వివరాల్లోకి వెళితే ఎల్.వి.ఆర్.ప్రొడక్షన్స్ పతాకంపై శ్రీకాంత్ హీరోగా, సముద్ర దర్శకత్వంలో, లగడపాటి శ్రీనివాసరావు నిర్మిస్తున్న చిత్రం కార్తీక మాసంలో పూజా కార్యక్రమాలు జరుపుకుంది. కానీ రెగ్యులర్ షూటింగ్ మాత్రం డిసెంబర్ 21 వ తేదీ నుండి జరుపుకోనుంది. ఈ చిత్రంలో శ్రీకాంత్ సరసన జినాల్ పాండే అనే కొత్తమ్మాయి హీరోయిన్ గా నటిస్తూంది.
2012 ఏప్రెల్లో వేసవి శలవుల్లో విడుదల కాబోయే ఈ చిత్రం హిందూ ధర్మం యొక్క ఔన్నత్యాన్ని చాటిచెప్పే కథాంశంతో నిర్మించబడుతూంది. ఈ చిత్రంలో ఇంకా ప్రతీకారం, లవ్, ఫ్యామిలీ ఎమోషన్స్ కూడా ఉంటాయి. శ్రీకాంత్ ఇంతవరకూ చెయ్యని ఒక మంచి పాత్రలో ఈ చిత్రంలో నటిస్తున్నారు. పేరు పెట్టని ఈ చిత్రానికి శ్రీకాంత్ దేవా సంగీతాన్ని అందిస్తున్నారు.