అక్కినేని వంశ నట వారసుడు,ఆ వంశంలో మూడో తరం హీరో అయిన నాగచైతన్య వరసగా సినిమాలు అంగీకరిస్తున్నాడు.మ్యాక్స్ ఇండియా పతాకంపై, ఆర్ ఆర్ మూవీ మేకర్స్ సమర్పణలో,దేవ కట్టా దర్శకత్వంలో, కె.అచ్చిరెడ్డి నిర్మిస్తున్న చిత్రం"ఆటోనగర్ సూర్య".ఈ చిత్రం జూన్ లో ప్రారంభం కానుంది.దేవ కట్టా గతంలో "వెన్నెల,ప్రస్థానం" చిత్రాలకు దర్శకత్వం వహించారు.

దీనితో పాటు సంచలన, వివాదాస్పద దర్శక, నిర్మాత రామ్ గోపాల వర్మ దర్శకత్వంలో రానున్న "బెజవాడ రౌడీలు" చిత్రంలో కూడా నాగ చైతన్య హీరోగా నటించటానికి అంగీకరించాడు. ఈ రెండు చిత్రాల కథలూ విజయవాడ రౌడీయిజం నేపథ్యంలో సాగేవే కావటం విశేషం. ప్రస్తుతం గీతా ఆర్ట్స్ పతాకంపై,సుకుమార్ దర్శకత్వంలో,అల్లు అరవింద్ నిర్మించే చిత్రంలో తమన్నా హీరోయిన్ గా నటిస్తూండగా, నాగచైతన్య హీరోగా నటిస్తున్నాడు.