English | Telugu
బాహుబలి-3 సర్ ప్రైజ్.. రాజమౌళి కీలక ప్రకటన!
Updated : Oct 29, 2025
బాహుబలి-3 పై రాజమౌళి క్లారిటీ
రంగంలోకి కొత్త దర్శకుడు
120 కోట్ల బడ్జెట్ తో ప్రాజెక్ట్
బాహుబలి రెండు భాగాలను కలిపి 'బాహుబలి: ది ఎపిక్' పేరుతో ఒక సినిమాగా అక్టోబర్ 31న విడుదల చేస్తున్న సంగతి తెలిసిందే. ఈ నేపథ్యంలో రాజమౌళి అండ్ టీమ్ 'బాహుబలి-3' అనౌన్స్ మెంట్ వీడియోతో సర్ ప్రైజ్ చేయబోతున్నారంటూ తెగ చర్చ జరుగుతోంది. తాజాగా దీనిపై రాజమౌళి కీలక ప్రకటన చేశారు. (Baahubali The Epic)
'బాహుబలి: ది ఎపిక్' విడుదల సందర్భంగా ప్రభాస్, రానాతో కలిసి ప్రత్యేక ఇంటర్వ్యూలో రాజమౌళి సందడి చేశారు. ఈ ఇంటర్వ్యూలో 'బాహుబలి-3' గురించి వస్తున్న వార్తలపై రాజమౌళి స్పందించారు. (SS Rajamouli)
"బాహుబలి: ది ఎపిక్ ఇంటర్వెల్ లో 'బాహుబలి: ది ఎటర్నల్ వార్' టీజర్ ను ప్రదర్శించబోతున్నాం. అయితే ఇది 'బాహుబలి-3' అని, అఫీషియల్ గా అనౌన్స్ చేయబోతున్నామని కొందరు అనుకుంటున్నారు. కానీ, ఇది 'బాహుబలి-3' కాదు. ఇదొక యానిమేషన్ ఫిల్మ్. బాహుబలి ప్రపంచాన్ని, బాహుబలి పాత్రలను తీసుకొని ఇషాన్ శుక్లా అనే యానిమేషన్ డైరెక్టర్ తో.. 3D యానిమేషన్ లో శోభు గారు రూ.120 కోట్ల బడ్జెట్ తో దీనిని నిర్మిస్తున్నారు. ఆ ఐడియా నాకు చాలా నచ్చింది. రెండు మూడేళ్ళుగా ఈ ప్రాజెక్ట్ పై వారు వర్క్ చేస్తున్నారు." అని రాజమౌళి చెప్పుకొచ్చారు.
Also Read: తమన్నా ఫ్యాన్స్ కి షాకిచ్చిన రాజమౌళి