"శ్రీ జగద్గురు ఆదిశంకర" ఏప్రెల్ నాలుగవ తేదీన ఉగాది పర్వదినాన ఘనంగా ప్రారంభమయ్యింది. వివరాల్లోకి వెళితే ఏప్రెల్ 4 వ తేదీన హైదరాబాద్ ప్రసాద్ ల్యాబ్ లో, శారదా పీఠాధిపతి స్వరూపానందేంద్ర సరస్వతి కెమెరా స్విచ్చాన్ చేయగా, యువసామ్రాట్, కింగ్ నాగార్జున క్లాప్ కొట్టగా, దర్శకేంద్రుడు కె.రాఘవేంద్రరావు ముహూర్తం షాట్ కు గౌరవ దర్శకత్వం వహించగా అత్యంత వైభవంగా, ఆధ్యాత్మిక భావాలు వెల్లివిరియగా ఈ "శ్రీ జగద్గురు ఆదిశంకర" చిత్రం ప్రారంభమయ్యింది. ఈ చిత్రానికి కథ, స్క్రీన్ ప్లే, మాటలు, దర్శకత్వం జె.కె.భారవి నిర్వహిస్తూండగా, శ్రీమతి నారా జయశ్రీ దేవి ఈ చిత్రాన్ని నిర్మిస్తున్నారు. జయశ్రీగారు గతంలో తెలుగులో మెగాస్టార్ చిరంజీవి, యాక్షన్ కింగ్ అర్జున్, సౌందర్య తదితరులు నటించగా, కె.రాఘవేంద్రరావు దర్శకత్వంలో వచ్చిన సూపర్ హిట్ చిత్రం "శ్రీ మంజునాథ" చిత్రాన్ని నిర్మించారు.

ఈ "శ్రీ జగద్గురు ఆదిశంకర" చిత్రంలో టైటిల్ రోల్ ను కౌశిక్ ధరిస్తున్నారు.ఈ "శ్రీ జగద్గురు ఆదిశంకర" చిత్రంలో ఇంకా రియల్ స్టార్ శ్రీహరి, సుమన్, సాయికుమార్, ఆలీ, జె.డి.చక్రవర్తి, మురళీ మోహన్, గిరీష్ కర్నాడ్, ప్రకాష్ రాజ్, తనికెళ్ళ భరణి, మీనా, జయప్రద తదితరులు నటిస్తున్నారు. ఈ "శ్రీ జగద్గురు ఆదిశంకర" చిత్రాన్నికేరళ, కాశీ, ప్రయాగ, మధుర, కేదారనాథ్, శ్రీకాళహస్తి, కొల్లూరు వంటి ప్రదేశాల్లో చిత్రీకరిస్తారు. ఈ "శ్రీ జగద్గురు ఆదిశంకర" చిత్రానికి నాగ్ శ్రీవత్స సంగీతాన్ని అందిస్తున్నారు. ఈ "శ్రీ జగద్గురు ఆదిశంకర" చిత్రం ప్రారంభోత్సవానికి రామానాయుడు, పరుచూరి బ్రదర్స్, కె.సి.శేఖర్ బాబు వంటి సినీ ప్రముఖులు హాజరయ్యారు.