కార్తీ "శకుని" టీజర్, లోగో రిలీజ్ జరిగింది. వివరాల్లోకి వెళితే కె.ఇ.జ్ఞానవేల్ రాజా సమర్పణలో,స్టుడియో గ్రీన్ పతాకంపై, కార్తీ హీరోగా, ప్రణీత హీరోయిన్ గా, యన్.శకర్ దయాళ్ ని దర్శకుడిగా పరిచయం చేస్తూ, కె.ఇ.జ్ఞానవేల్ రాజా నిర్మిస్తున్న ద్విభాషాచిత్రం "శకుని". సెప్టెంబర్ రెండవ తేదీన, హైదరాబాద్ ప్రసాద్ ల్యాబ్ లో, ఈ "శకుని" టీజర్ ని ప్రముఖ దర్శకుడు వి.వి.వినాయక్ విడుదల చేయగా, లోగోని మూవీ మొగల్ డాక్టర్, డి.రామా నాయుడు విడుదల చేశారు. ఈ సూర్య సోదరుడైన ఈ చిత్ర కథానాయకుడు కార్తీ "యుగానికొక్కడు", "ఆవారా", "నాపేరే శివ" చిత్రాలతో తెలుగు ప్రేక్షకులకు సుపరిచితుడే.

హీరోయిన్ ప్రణీత తెలుగులో "బావ" చిత్రంలో నటించింది. దర్శకుడు శకర్ దయాళ్ "దిల్ సినిమాకు వినాయక్ వద్ద అసిస్టెంట్ గా పనిచేశారు. త్వరలో విడుదల కాబోతున్న ఈ "శకుని" చిత్రానికి "ఉల్లాసంగా-ఉత్సాహంగా", "డార్లింగ్", "యుగానికొక్కడు", "నాన్న" చిత్రాల ఫేం జి.వి.ప్రకాష్ కుమార్ సంగీతాన్ని అందిస్తున్నారు. ఈ "శకుని" చిత్రానికి మాటలు శశాంక్ వెన్నెలకంటి, పాటలు సాహితి వ్రాయగా, ఎడిటింగ్ శ్రీకర ప్రసాద్, సినిమాటోగ్రఫీ "శంభో శివ శంభో" ఫేం పి.జి.ముత్తయ్య నిర్వహిస్తున్నారు. ఈ "శకుని" చిత్రానికి యస్.ఆర్.ప్రకాష్, యస్.ఆర్.ప్రభు సహ నిర్మాతలుగా వ్యవహరిస్తున్నారు.