English | Telugu
'రావణాసుర' ట్రైలర్ అదిరింది.. రవితేజ మరో బ్లాక్ బస్టర్ కొట్టినట్టే!
Updated : Mar 28, 2023
మాస్ మహారాజా రవితేజ ప్రధాన పాత్రలో సుధీర్ వర్మ దర్శకత్వంలో తెరకెక్కిన చిత్రం 'రావణాసుర'. అభిషేక్ పిక్చర్స్, ఆర్టీ టీమ్ వర్క్స్ సంయుక్తంగా నిర్మించిన ఈ చిత్రంలో సుశాంత్, అను ఇమ్మాన్యుయేల్, ఫరియా అబ్దుల్లా, మేఘా ఆకాష్ తదితరులు ముఖ్య పాత్రలు పోషించారు. ఈ సినిమా ఏప్రిల్ 7న ప్రేక్షకుల ముందుకు రానుంది. ఇప్పటికే విడుదలైన టీజర్ కి ప్రేక్షకుల నుంచి సూపర్ రెస్పాన్స్ వచ్చింది. తాజాగా ఈ మూవీ ట్రైలర్ విడుదలైంది.
సైకలాజికల్ యాక్షన్ థ్రిల్లర్ గా రూపొందిన 'రావణాసుర' ట్రైలర్ ఆకట్టుకుంటోంది. రవితేజ మార్క్ ఎంటర్ టైన్ మెంట్ తో పాటు థ్రిల్లింగ్ అంశాలతో ట్రైలర్ ను రూపొందించారు. క్రైమ్ సన్నివేశాలతో ట్రైలర్ ను ప్రారంభించి, ఆ తరువాత రవితేజను లాయర్ గా పరిచయం చేయడం ఆకట్టుకుంది. లాయర్ గా రవితేజ తన మార్క్ కామెడీతో ముగ్గురు హీరోయిన్లతో కలిసి నవ్వించాడు. లాయర్ గా, క్రిమినల్ గా రెండు విభిన్న కోణాల్లో తనదైన శైలిలో అలరించాడు. ట్రైలర్ చివరిలో సగం జోకర్ ఫేస్, సగం రవితేజ ఫేస్ తో చూపించిన షాట్ ట్రైలర్ కే హైలైట్ గా నిలిచింది. ట్రైలర్ లో "వాడు క్రిమినల్ లాయర్ కాదు.. లా చదివిన క్రిమినల్", "మర్డర్ చేయడం క్రైమ్.. దొరక్కుండా మర్డర్ చేయడం ఆర్ట్.. i am an artist" వంటి డైలాగ్ లు ఆకట్టుకున్నాయి. మొత్తానికి ట్రైలర్ చూస్తుంటే 'ధమాకా' సక్సెస్ తో జోరు మీదున్న మాస్ రాజా మరో విజయాన్ని తన ఖాతాలో వేసుకునేలా ఉన్నాడు.