చెన్నై ఎయిర్ పోర్ట్ లో రజనీ కాంత్ కి ఘనస్వాగతం ఏర్పాటుచేయబడింది.రజనీ కాంత్ కి చెన్నైలో ఘనస్వాగతం చెప్పటానికి ఆయన అభిమానులు వేలాదిగా ఎయిర్ పోర్టుకు చేరుకున్నారు. రజనీ కాంత్ సింగపూర్ నుండి చెన్నైకి నిన్న సాయంత్రం వచ్చారు. రజనీ కాంత్ తాను హీరోగా నటిస్తున్న "రాణా" మూవీ ప్రారంభోత్సవం సందర్భంగా అనారోగ్యానికి గురయ్యారు. ఆ తర్వాత రజనీ కాంత్ ఆరు వారాల పాటు సింగపూర్ లోని మౌంట్ ఎలిజబెత్ హాస్పిటల్ సెంటర్ లోని ఇంటెన్సీవ్ కేర్ యూనిట్ లో ట్రీట్ మెంట్ తీసుకుని నేడు చెన్నైకి సంపూర్ణ ఆరోగ్యంతో తిరిగివస్తున్న సందర్భంగా ఆయన అభిమానులు వేలాదిగా చెన్నై ఎయిర్ పోర్ట్ కు తరలి వచ్చారు.

అక్కడికి వచ్చిన అభిమానులకు రజనీ కాంత్ రెండు చేతులెత్తి నమస్కరించారు. తన ఆరోగ్యం కోసం ప్రార్థించిన అభిమానులకు, తన ఆరోగ్యం కోసం ఆందోళన చెందిన వారందరికీ ఆయన తన కృతజ్ఞతలు తెలియజేశారు. ఆయన రాకతో కె.యస్.రవికుమార్ దర్శకత్వంలో, రజనీ కాంత్ హీరోగా, దీపిక పదుకునే, ఇలియానా హీరోయిన్లుగా నటించబోయే "రాణా" చిత్రం త్వరలోనే ప్రారంభం కానుంది. అయితే దీపిక పదుకునే డేట్లు ఖాళీ లేకపోవటంతో ఈ చిత్రం రెగ్యులర్ షూటింగ్ మరికొన్ని రోజులు వాయిదా పడే అవకాశముంది. అందుకని రజనీ కాంత్ చెన్నైలో కల తన ఫాం హౌస్ లో మరికొన్ని రోజుల పాటు విశ్రాంతి తీసుకోనున్నారు.