రజనీకాంత్ "రాణా"లో ప్రకాష్ రాజ్ నటించనున్నారని విశ్వసనీయవర్గాలద్వారా అందిన సమాచారం. వివరాల్లోకి వెళితే సౌతిండియన్ సూపర్ స్టార్ రజనీ కాంత్ హీరోగా, ప్రకాష్ పడుకునే, ఇలియానా హీరోయిన్లుగా, కె.యస్.రవికుమార్ దర్శకత్వంలో వందకోట్ల భారీ బడ్జెట్ తో నిర్మించబడుతున్న చిత్రం "రాణా". ఈ "రాణా" చిత్రం ప్రారంభోత్సవం రోజునే అనారోగ్యంతో రజనీకాంత్ మంచం ఎక్కారు. ఆ తర్వాత రజనీకాంత్ సింగపూర్ వెళ్ళి మరీ చికిత్స చేయించుకుని ఇటీవలే చెన్నై చేరుకున్నారు. ఈ రజనీ కాంత్ "రాణా" చిత్రం గురించి హీరో రజనీ కాంత్, దర్శకుడు కె.యస్.రవికుమార్ చర్చించుకున్నారట.

రజనీకాంత్ "రాణా" చిత్రంలోని ఒక కీలక పాత్ర కోసం ప్రకాష్ రాజ్ అయితే బాగుంటుందని ఒక నిర్ణయానికొచ్చారట. అంతే కాక రేపు వ్యాపారపరమగా కూడా తెలుగు, తమిళ, హిందీ భాషల్లో ప్రకాష్ రాజ్ కు మంచి డిమాండ్ ఉన్న దృష్ట్యా ప్రకాష్ రాజ్ సినిమాకు బాగా హెల్ప్ అవుతాడని వారు భావించినట్లు తెలిసింది. రజనీకాంత్ "రాణా" సినిమాకి ఆస్కార్ అవార్డ్ విజేత ఎ.ఆర్.రెహమాన్ సంగీతం అందించనున్నారు.