జాతీయ అవార్డుని కొన్న ప్రియమణి అనగానే "అర్రే" ఎక్కడమ్ముతారో మనక్కూడా తెలిస్తే మనం కూడా ఒక జాతీయ అవార్డుని కొనుక్కునే వాళ్ళమే అని ఫీలవకండి. వివరాల్లోకి వెళితే కార్తీ హీరోగా నటించిన తమిళ చిత్రం "పరుత్తి వీరన్" లో ఉత్తమ నటన ప్రదర్శించినందుకు ప్రియమణికి జాతీయ ఉత్తమ నటిగా అవార్డు లభించింది. నిజానికి ప్రియమణి ఆ చిత్రంలో ఉత్తమ స్థాయిలోనే నటించింది.

కాకపోతే ఇటీవల "నాట్స్" సభలకు అమెరికా వెళ్ళిన సందర్భంగా రామ్ చరణ్ ని ప్రశ్నల వర్షంతో ముంచెత్తుతున్న ప్రేక్షకులకు "ఇప్పటి వరకూ నన్ను అడిగారు. ఇప్పుడు నేను ప్రియమణిని అడుగుతాను" అంటూ "పరుత్తి వీరన్ లో మీకు జాతీయ ఉత్తమ నటిగా అవార్డు లభించింది. ఎలా...?"అని అడగ్గానే దానికి సమాధానంగా "కొనుక్కున్నాను" అని అంది. దానికి ప్రేక్షకులంతా గొల్లుమన్నారు. ప్రియమణి గడుసుతనం గురించి తెలిసిన వారంతా "మంచి సమాధానమే చెప్పింది" అని నవ్వుకున్నారు.