ఎస్‌.ఎస్‌.రాజ‌మౌళి ఎప్పుడూ ఆహా.. ఓహో అనే సినిమాలే తీశాడు. నో డౌట్‌... హీ ఈజ్ ఏ క్రియేట‌ర్‌. తాజాగా అత‌న్నుంచి స్పిరిట్ ఆఫ్ దీపావ‌ళి అనే కాన్సెప్ట్‌తో ఓ ల‌ఘు చిత్రం వ‌చ్చింది. హుద్ హుద్ బాధితుల‌ను ఆదుకోండి - అందులోనే దీపావ‌ళి వెలుగుల్ని చూడండి అనేది రాజ‌మౌళి చెప్పాల‌నుకొన్న పాయింట్‌. ల‌ఘు చిత్రంలో అది బాగానే క్యారీ అయ్యింద‌నుకోండి. ఇంత‌కీ ఆ కాన్సెప్ట్ మాత్ర‌మే రాజ‌మౌళిది. తీసింది - చేసిందీ రాజీవ్ మీన‌న్ అండ్ కో. అయితే ఇందుకు సంబంధించి ఆ షార్ట్ ఫిల్మ్‌లో ఎక్క‌డా గౌత‌మ్ మీన‌న్ పేరు ప్ర‌స్తావించ‌లేదు. అంతా నేనే చేశానన్న‌ట్టు ప్ర‌చారం జ‌రుగుతోంది. పోనీ కాన్సెప్ట్ రాజ‌మౌళి ది కాబ‌ట్టి క్రెడిట్ కూడా ఆయ‌న‌దే అనుకోవ‌చ్చు. కానీ ఆ పాయింట్ కొత్త‌గా ఏం అనిపించడం లేదు. ఈమ‌ధ్య సుకుమార్ ఓ షార్ట్ ఫిల్మ్ తీశాడు. ఐ యామ్ ద‌ట్ ఛేంజ్ పేరుతో. రాజ‌మౌళి కూడా దాదాపుగా అదే స్ర్కీన్ ప్లేని ఫాలో అయిపోయాడు. తుఫాను బాధుతుల‌ను ఆదుకోండి అన్న పాయింట్ అయితే అంద‌రికీ చేరువైంది... ఆ విష‌యంలో రాజ‌మౌళిని మెచ్చుకోవాలి. అయితే ఆ షార్ట్ ఫిల్మ్ తీసిచ్చిన రాజీవ్ మీన‌న్‌కి క్రెడిట్ ఇవ్వ‌క‌పోవ‌డం మాత్రం స‌మంజ‌సంగా అనిపించ‌డం లేదు. తార‌లంతా త‌లో చేయీ వేసి హుద్ హుద్ బాధితుల‌ను ఆదుకొంటుంటే.. రాజ‌మౌళి షార్ట్ ఫిల్మ్‌తో స‌రిపెట్ట‌డం కూడా ఏం బాలేదు. త‌న వంతుగా ఏమిచ్చాడో చెబితే.. మిగిలిన‌వాళ్ల‌కూ ఆద‌ర్శంగా ఉండేది క‌దా.. అన్న‌ది జ‌నాల పాయింట్ ఆఫ్ వ్యూ. మ‌రి జ‌క్క‌న్న ఏమంటాడో చూడాలి.