English | Telugu
శభ్బాష్ .. లారెన్స్!!
Updated : Oct 29, 2014
అమ్మను మించి దైవమున్నదా.... అంటూ పాటలకే పరిమితం కాలేదు. చేతల్లో చేసి చూపిస్తున్నాడు రాఘవేంద్ర లారెన్స్. ఏకంగా అమ్మని గుళ్లో దేవతగా ప్రతిష్టించబోతున్నాడు. అమ్మ కోసం ఓ గుడి కడుతున్నాడు. ఈరోజు (బుధవారం) లారెన్స్ పుట్టిన రోజు. ఈ సందర్భంగా మాతృ మూర్తి కోసం తన స్వగ్రామమైన మేవలూర్ కుప్పంలో అమ్మ కోసం ఓ గుడి కట్టేందుకు సన్నద్ధం అవుతున్నాడు లారెన్స్. ''నా దృష్టిలో మా అమ్మ ఓ దేవత. నా కోసం ఎంత శ్రమించిందో నాకు తెలుసు. తాను లేని జీవితాన్ని ఊహించుకోలేను. తాను నా కళ్లముందు ఉండగానే ఆమెను గుడిలో దేవతగా చూడాలనుకొంటున్నా. వచ్చే యేడాది నా పుట్టిన రోజున గుడి ప్రారంభిస్తా. అంతే కాదు, అమ్మ కోసం ఓ పుస్తకం రాస్తున్నా. అదే రోజున ఆ పుస్తకం కూడా విడుదల చేస్తా'' అని చెప్పుకొచ్చాడు లారెన్స్. ఓ మంచి దర్శకుడు, డాన్స్ మాస్టరే కాదు, ఇప్పుడు మంచి కొడుకు అని కూడా అనిపించుకొన్నాడు లారెన్స్. అన్నట్టు ఈ దేవాలయాన్ని ప్రపంచంలోని మాతృమూర్తులందరికీ అంకితం చేస్తున్నాడు. శబ్బాష్ .. లారెన్స్!!