మహేష్ "భాగ్ సాలా" అదిరింది అని ప్రేక్షకులంటున్నారు. వివరాల్లోకి వెళితే ఆర్ ఆర్ మూవీ మేకర్స్ పతాకంపై, ప్రిన్స్ మహేష్ బాబు హీరోగా, కాజల్ అగర్వాల్ హీరోయిన్ గా, డైనమిక్ డైరెక్టర్ పూరీ జగన్నాథ్ దర్శకత్వంలో, డాక్టర్ వెంకట్ నిర్మిస్తున్న విభిన్నకథాభారీ చిత్రం "బిజినెస్ మ్యాన్". ఈ చిత్రం ఆడియో తెలుగు, తమిళ, మళయాళం మూడు భాషల్లో డిసెంబర్ 22 వ తేదీన హైదరాబాద్ శిల్పారామంలోని శిల్పకళావేదికలో వైభవంగా విడుదలైంది.

ఈ చిత్రంలో మహేష్ బాబు పాడిన "భాగ్ సాలా"అ అనే పాట జనానికి బాగా నచ్చుతోంది. ధనుష్ పాడిన "వై దిస్ కొలవరి కొలవరి కొలవరిడి" అనే పాటలా బాగా పాప్యులర్ అయ్యే అవకాశాలున్నాయని ప్రేక్షకులు అభిప్రాయపడుతున్నారు. అయితే మహేష్ పాడిన పాటలో డైలాగులు కొంచెం గందరగోళంగా ఉన్నాయనీ, దాన్ని చిత్రీకరించిన విధానం ధనుష్ పాటకు ఏమాత్రం తీసిపోకుండా ఉందనీ జనం అంటున్నారు.