English | Telugu
పవన్ ఫ్యాన్స్ మీద యన్ టి ఆర్ ఫ్యాన్స్ ఆగ్రహం
Updated : Dec 7, 2011
పవన్ ఫ్యాన్స్ మీద యన్ టి ఆర్ ఫ్యాన్స్ ఆగ్రహంగా ఉన్నారు. వివరాల్లోకి వెళితే పవర్ స్టార్ పవన్ కళ్యాణ్ హీరోగా నటించిన "పంజా" చిత్రం త్వరలో విడుదల కాబోతూంది. ఈ చిత్రం కోసం నల్గొండ జిల్లాలోని కోదాడలో పవన్ కళ్యాణ్ అభిమానులు ఒక ఫ్లెక్సీ ఏర్పాటు చేశారు...అందుకు ఎవరికీ అభ్యంతరం లేదు. కానీ ఆ ఫ్లెక్సీ మీద " తాతల చరిత్ర చెప్పుకునే అలవాటు లేదు. మేము సృష్టించిన చరిత్రే భావి తరాలకు భగవద్గీత" అన్న కొటేషన్ వ్రాసి ఉంది.
ఇది జూనియర్ యన్ టి ఆర్ ని ఉద్దేశించే వ్రాశారని ఆయన అభిమానులు ఆగ్రహంగా ఉన్నారు. అంతటితో ఆగకుండా ఆ కొటేషన్ ఉన్న ఆ ఫ్లెక్సీని తీసేయాలని వారు డిమాండ్ చేశారు. ఆ కోటేషన్ ని తీయటానికి వారు అంగీకరించినా, ఆ ఫ్లెక్సీని తీయటానికి మాత్రం పవన్ ఫ్యాన్స్ అంగీకరించలేదు. మొన్నీమధ్యే మహేష్ బాబు ఫ్యాన్స్ కీ, రామ్ చరణ్ అభిమానులకీ మధ్య రికార్డుల గొడవ జరగిన విషయం ప్రేక్షకులకు తెలిసిందే. మళ్ళీ ఈ ఫ్లెక్సీల గొడవ మొదలయింది. అభిమానం హద్దులు దాటితే ఇలాగే ఉంటుంది మరి.