పవన్ కళ్యాణ్ కి తమిళ దర్శకులంటేనే ఇష్టమా...? అన్న ప్రశ్న సినీ విమర్శకులను తొలిచేస్తోంది. వివరాల్లోకి వెళితే పవర్ స్టార్ పవన్ కళ్యాణ్ "తొలి ప్రేమ" సినిమాని కరుణాకరున్ దర్శకత్వంలో చేశారు. ఆయన తమిళ దర్శకుడు. తర్వాత "ఖుషి" సినిమాకి యస్.జె.సూర్యకి అవకాశమిచ్చారు. "బంగారం" తో ధరణికి అవకాశమిచ్చిన పవన్ కళ్యాణ్ ప్రస్తుతం విష్ణువర్థన్ దర్శకత్వంలో "కాళీ" (ది షాడో) సినిమాలో నటిస్తున్నారు.

దీని తర్వాత కొరియోగ్రాఫర్ కమ్ డైరెక్టర్ రాజు సుందరం దర్శకత్వంలో ఒక సినిమాలో నటించబోతున్నారట. ఈ మధ్య విక్రమ్, అనుష్క నటించిన "నాన్న" సినిమా దర్శకుడు విజయ్ దర్శకత్వాన్ని మెచ్చుకోవటమే కాక అతన్ని అతన్ని పిలిపించుకుని తనకు సరిపడే మంచి కథ తయారుచెయ్యమని అన్నారట. దీన్ని బట్టి చూస్తే పవర్ స్టార్ పవన్ కళ్యాణ్ కి తమిళ దర్శకులంటే బాగా నమ్మకముందనీ, వారి ప్రతిభని బాగా నమ్ముతున్నారనీ అనుకోవచ్చు.