పవన్ "కాళీ" దసరాకి కాదు దీపావళికి అని విశ్వసనీయ వర్గాల ద్వారా అందిన సమాచారం. వివరాల్లోకి వెళితే సంఘమిత్ర, అర్కా మీడియా పతాకాలపై, పవర్ స్టార్ పవన్ కళ్యాణ్ హీరోగా, సారా జేన్ హీరోయిన్ గా, అడవిశేష్, అంజలి లావణ్య మరో జంటగా నటిస్తూండగా, ప్రముఖ తమిళ దర్శకుడు విష్ణు వర్థన్ దర్శకత్వంలో, నీలిమ తిరుమల శెట్టి, శోభు యార్లగడ్డ సంయుక్తంగా నిర్మిస్తున్న సినిమాకి వర్కింగ్ టైటిల్ గా "ది షాడో" అని ముందుగా వినపడింది.

కానీ తర్వాత అది కాదనీ, ఆ పేరులో మన తెలుగు నేటివిటీ మిస్సవుతున్నాం కనుక "కాళీ" గా మార్చినట్లు విశ్వసనీయ వర్గాల ద్వారా అందిన సమాచారం. ఈ పవన్ కళ్యాణ్ "కాళీ" చిత్రాన్ని ముందుగా అనుకున్నట్లు రానున్న దసరా పర్వదినం సందర్భంగా విడుదల చేయాలనుకున్నారు. కానీ ప్రస్తుతం ఈ చిత్రాన్ని దీపావళికి విడుదల చేయాలని ఈ చిత్రం యూనిట్ భావిస్తున్నట్లు సమాచారం.