విదేశాల నుండి తిరిగి రానున్న అల్లు అర్జున్ అని ఫిలిం నగర్ లో అనుకుంటున్నారు. వివరాల్లోకి వెళితే తెలుగులో ప్రముఖ యువ హీరోగా వెలుగుతున్న స్టైలిష్ స్టార్ అల్లు అర్జున్ ఆ మధ్య విదేశాలకు వెళ్ళారు. ఇది ఒక విధంగా హనీమూన్ అనుకోవచ్చు. ఎందుకంటే కండలు పెంచిన కొత్తపెళ్ళి కొడుకు భార్యనొదిలి విదేశాలకు ఎందుకెళ్తాడు చెప్పండి. అలా భార్యా సమేతంగా అల్లు అర్జున్ యు.యస్.కీ, స్విట్జర్ల్యాండ్ కీ వెళ్ళి సరదాగా తిరిగి మళ్ళీ జూలై 15 వ తేదీన ఇండియాకి తిరిగి వస్తున్నారట.

ఆయన ఇండియాకి తిరిగి రాగానే, తాను హీరోగా నటించబోయే కొత్త సినిమా యొక్క వివరాలు ప్రకటిస్తారట. అల్లు అర్జున్ ఇటీవల హీరోగా నటించగా విడుదలైన "బద్రినాథ్" చిత్రం ఊహించిన స్థాయిలో ఘనవిజయం సాధించకపోవటంతో కొన్నాళ్ళు అలా విదేశాలకు వెళ్ళి తిరిగి రెట్టించిన నూతనోత్సాహంతో మళ్ళీ తన కొత్త సినిమాలో నటించబోతున్నారు అల్లు అర్జున్.