English | Telugu
అక్టోబర్ 9న నాగ్ రాజన్న రిలీజ్...?
Updated : Jul 16, 2011
అక్టోబర్ 9న నాగ్ "రాజన్న" రిలీజ్...? ఇది నిజమనే అంటున్నాయి ఫిలిం నగర్ వర్గాలు. వివరాల్లోకి వెళితే అన్నపూర్ణ స్టుడియోస్ పతాకంపై, యువసామ్రాట్ అక్కినేని నాగార్జున హీరోగా, స్నేహ హీరోయిన్ గా, వి.విజయేంద్ర ప్రసాద్ దర్శకత్వంలో, నాగర్జునే స్వయంగా నిర్మిస్తున్న చిత్రం"రాజన్న". నాగ్ "రాజన్న" సినిమా కథ 1940 వ సంవత్సరానికి చెందింది. విషయానికొస్తే రజాకార్లకు వ్యతిరేకంగా తెలంగాణా సాయుధ రైతాంగ పోరాటానికి సంబంధించిన ఒక యోధుడి కథే నాగ్ "రాజన్న"కథ.
నాగ్ "రాజన్న" చిత్రం కోసం సారథీ స్టుడియోలో ఒక సెట్ వేశారు. ఆర్ట్ డైరెక్టర్ రవి 1940లో తెలంగాణాలో ఉండే ఒక పల్లెటూరి సెట్ ను అక్కడ వేశారు. నాగ్ "రాజన్న" చిత్రం షూటింగ్ ప్రస్తుతం ఆ సెట్ లోనే జరుగుతూంది. కీరవాణి సంగీతం అందిస్తున్న ఈ చిత్రం యొక్క పంపిణీ హక్కులను ఆర్ ఆర్ మూవీ మేకర్స్ సంస్థ పొందింది. అక్టోబర్ 9న నాగ్ "రాజన్న" రిలీజ్ కానుందని విశ్వసనీయ వర్గాల ద్వారా అందిన సమాచారం.