English | Telugu
రాజన్నలో యాంటీ రజాకార్ గా నాగ్
Updated : Jul 28, 2011
"రాజన్న" లో యాంటీ రజాకార్ గా నాగ్ నటిస్తున్నారని విశ్వసనీయవర్గాలద్వారా అందిన సమాచారం. వివరాల్లోకి వెళితే అన్నపూర్ణ స్టుడియోస్ పతాకంపై, యువసామ్రాట్ అక్కినేని నాగార్జున హీరోగా నటిస్తూ, వి.విజయేంద్ర ప్రసాద్ దర్శకత్వంలో నిర్మిస్తున్న విభిన్నకథాచిత్రం "రాజన్న". "రాజన్న" చిత్రంలో స్నేహ హీరోయిన్ గా నటిస్తూంది. "రాజన్న" చిత్రం నిజాం నవాబుకి వ్యతిరేకంగా సాగిన సాయుధ రైతాంగపోరాటం నేపథ్యంగా సాగే కథతో నిర్మించబడుతోంది.
సుస్వరాల బాణి కీరవాణి ఈ "రాజన్న" చిత్రానికి సంగీతాన్నందిస్తున్నారు. "రాజన్న" చిత్రంలోని యాక్షన్ ఎపిసోడ్లను ప్రముఖ దర్శకుడు రాజమౌళి పర్యవేక్షణలో చిత్రీకరిస్తున్నారు. ప్రస్తుతం అన్నపూర్ణ ఏడెకరాల్లో "రాజన్న" చిత్రంలోని యాక్షన్ ఏపిసోడ్లను చిత్రీకరిస్తున్నారు. "రాజన్న"చిత్రం యొక్క ఆడియోని సెప్టెంబర్ నెలలో విడుదల చేస్తారు. ఈ "రాజన్న" చిత్రాన్ని రానున్న దసరా పండుగ సందర్భంగా అక్టోబర్ నెలలో విడుదల చేయటానికి ఈ చిత్ర హీరో, నిర్మాత అయిన నాగార్జున సన్నాహాలు చేస్తున్నారట.