English | Telugu
మణిరత్నం సినిమాలో మంచు లక్ష్మీ ప్రసన్న
Updated : Dec 15, 2011
కలెక్షన్ కింగ్, పద్మశ్రీ, డాక్టర్ మోహన్ బాబు గారి పెద్దమ్మాయి, ప్రముఖ యాంకర్, నటి, నిర్మాత అయిన మంచు లక్ష్మీ ప్రసన్న ది ది గ్రేట్ డైరెక్టర్ మణిరత్నం దర్శకత్వంలోని చిత్రంలో నటించనున్నారని విశ్వసనీయవర్గాల ద్వారా అందిన సమాచారం. మంచు లక్ష్మీ ప్రసన్న గతంలో "అనగనగా ఒక ధీరుడు" చిత్రంలోనూ, రామ్ గోపాలవర్మ "దొంగలముఠా" చిత్రంలోనూ నటించారు."అనగనగా ఒక ధీరుడు" చిత్రం ఆశించిన స్థాయిలో విజయం సాధించకపోయినా, ఆ చిత్రంలోని ఆమె నటన విమర్శకుల ప్రశంసలు పోందింది.
అలాగే "దొంగలముఠా" చిత్రం లో కూడా ఆమె చక్కని నటిగా గుర్తింపు తెచ్చుకున్నారు. ఒక పక్క యాంకర్ గా తనకంటూ ప్రత్యేకమైన గుర్తింపుని తెచ్చుకుంటూ, మరోపక్క చక్కని అభిరుచి గల నిర్మాతగా మంచి చిత్రాలను నిర్మిస్తూ, నటిగా తనలోని మరో కోణాన్ని ప్రేక్షకులకు చూపిస్తున్న బహుముఖ ప్రజ్ఞాశాలి మంచు లక్ష్మీ ప్రసన్న తండ్రికి తగ్గ తనయగా పేరు తెచ్చుకుంటున్నారు. అటువంటి మంచు లక్ష్మీ ప్రసన్న తమిళంలో మణిరత్నం దర్శకత్వంలోని రానున్న చిత్రంలో నటిస్తూండటం ముదావహం.