English | Telugu
అంచనాలకు చేరని మహేష్ 1
Updated : Jan 9, 2014
భారీ అంచనాలతో తెరకెక్కిన మహేష్ "1" చిత్రం నేడు ప్రపంచ వ్యాప్తంగా విడుదలైంది. సుకుమార్ దర్శకత్వంలో తెరకెక్కిన ఈ చిత్రం ప్రేక్షకుల అంచనాలను తారుమారు చేసింది. కథ కొత్తగా ఉందని ప్రయత్నించినా కూడా... అది జనాలకు అంతగా నచ్చక ప్రేక్షకులకు నీరసం వచ్చేసింది. హాలీవుడ్ రేంజులో మహేష్ ను చూపించాలని దర్శకుడు సుకుమార్ బాగానే ప్రయత్నించిన కూడా తెలుగు జనాలకు మాత్రం వింతగా అనిపించింది. పైగా మహేష్ నటించిన ప్రతి సినిమాలో కూడా ఎంతో కొంత కామెడి చేస్తూనే వస్తున్నాడు. కానీ ఈ "1" లో ఎక్కడా కూడా నవ్వకుండా.. పూర్తిగా సీరియస్ గా ఉండటంతో లేడి ఫ్యాన్స్ కు అంతగా చేరువకాలేకపోయింది. అంతేకాకుండా ఒకే పనిగా యాక్షన్, ఫైట్స్ ఉండటం వలన మరింత తలనొప్పిగా మారిపోయింది. మహేష్ తనయుడు గౌతమ్ అద్భుతంగా నటించాడు. కానీ వరుస హిట్ సినిమాల వలన మహేష్ "1" పై భారీ అంచనాలు పెరిగిపోయాయి. దాంతో "1" సినిమాను జనాలు ఊహించుకున్న స్థాయిలో ఆకట్టుకోలేకపోయింది. దేవిశ్రీప్రసాద్ సంగీతం పరవాలేదనిపించింది. మహేష్ నటన కొత్తగా ఏం లేకపోయినా కూడా... డ్యాన్సులు కొత్తగా ఉన్నాయి. కానీ సినిమాకు వస్తున్న స్పందన పూర్తిగా డివైడ్ టాక్ గా ఉంది. మరి ఈ సినిమా ఎలాంటి విజయం సాధిస్తుందో మరికొద్ది రోజుల్లో తెలియనున్నది