సుహాస్,చాందిని చౌదరి హీరో హీరోయిన్లుగా వచ్చిన 'క‌ల‌ర్ ఫోటో'(colour photo)మంచి విజయాన్ని అందుకోవడమే కాకుండా నేష‌న‌ల్ అవార్డ్ కూడా గెలుచుకుంది.ఇక కార్తీకేయ హీరోగా  వచ్చిన  'బెదురులంక 2012'కూడా మంచి విజయాన్ని అందుకుంది. ఈ రెండు చిత్రాలని నిర్మించి అంద‌రి దృష్టిని ఆక‌ర్షించిన‌ సంస్థ  లౌక్య ఎంట‌ర్‌టైన్‌మెంట్స్(loukya entertainments) ఇప్పుడు మరో కొత్త సినిమాకి  సినిమాకి శ్రీకారం చుట్టింది.

తెలంగాణ గ్రామీణ నేప‌థ్యంతో 'దండోరా'(dandora)అనే పేరుతో మ‌న పురాత‌న ఆచారాలు, సాంప్ర‌దాయాల‌ను ఆవిష్క‌రిస్తూనే వ్యంగ్యం, చ‌క్క‌టి హాస్యం, హృద‌యాన్ని హ‌త్తుకునే భావోద్వేగాల క‌ల‌యిక‌గా రూపొందిస్తున్న ఈ మూవీలోశివాజీతో పాటు న‌వ‌దీప్‌, రాహుల్ రామ‌కృష్ణ‌, ర‌వికృష్ణ‌, మ‌నీక చిక్కాల‌, అనూష త‌దిత‌రులు ప్ర‌ధాన పాత్ర‌ల‌తో మెప్పించ‌నున్నారు.
ర‌వీంద్ర బెన‌ర్జీ ముప్పానేని నిర్మాతగా ముర‌ళీకాంత్ ద‌ర్శ‌క‌త్వంలో తెరకెక్క‌బోతున్న ఈ మూవీ నిన్న బుధవారం రోజున ఫిల్మ్ న‌గ‌ర్‌లోని రామానాయుడు స్టూడియోలో పూజా కార్య‌క్ర‌మాల‌ను లాంఛ‌నంగా పూర్తి చేసుకోగా 
 సినీ ప‌రిశ్ర‌మ‌కు చెందిన ప‌లువురు సెల‌బ్రిటీలు ఆ కార్యక్రమానికి  హాజ‌రై చిత్ర యూనిట్‌ను ప్ర‌త్యేకంగా అభినందించారు. ముహూర్తపు సన్నివేశానికి ప్రముఖ నిర్మాత సాహు గారపాటి క్లాప్ కొట్టగా, బేబీ నిర్మాత ఎస్ కే ఎన్ కెమెరా స్విచ్ ఆన్ చేసాడు.యంగ్ సక్సెస్ ఫుల్ ప్రొడ్యూసర్ సూర్యదేవర నాగవంశీ గౌరవ దర్శకత్వం వహించాడు.

ప్ర‌ముఖ సంగీత ద‌ర్శ‌కుడు మార్క్ కె.రాబిన్ సంగీతాన్ని అందిస్తుండగా  వెంక‌ట్ ఆర్‌.శాఖ‌మూరి సినిమాటోగ్ర‌ఫీ, గ్యారీ బి.హెచ్ ఎడిటింగ్‌, క్రాంతి ప్రియ‌మ్ ఆర్ట్ డైరెక్ట‌ర్‌, రేఖ భోగ‌వ‌ర‌పు కాస్ట్యూమ్ డిజైన‌ర్‌, ఎడ్వ‌ర్డ్ స్టీవ్‌స‌న్ పెరెజీ ఎగ్జిక్యూటివ్ ప్రొడ్యూస‌ర్‌, అనీష్ మ‌రిశెట్టి కో ప్రొడ్యూస‌ర్‌గా బాధ్య‌త‌ల‌ను నిర్వ‌హిస్తున్నారు. త్వ‌ర‌లోనే ఈ మూవీకి సంబంధించి మ‌రిన్ని వివ‌రాల‌ను తెలియ‌జేస్తామ‌ని మేక‌ర్స్ తెలియ‌జేశారు.