రామ్ "కందిరీగ" ఆడియో జూలై 10 న విడుదల కానుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే శ్రీ సాయి గణేష్ ప్రొడక్షన్స్ పతాకంపై, చురుకైన యువహీరో రామ్ హీరోగా, అందాల ముంబై భామ హన్సిక మోత్వాని హీరోయిన్ గా, సంతోష్ శ్రీనివాస్ ని దర్శకుడిగా పరిచయం చేస్తూ, ప్రముఖ నిర్మాత బెల్లంకొండ సురేష్ నిర్మిస్తున్న విభిన్న ప్రేమ కథా చిత్రం "కందిరీగ". రామ్ "కందిరీగ"చిత్రం మొన్నటి వరకూ స్విట్జర్ల్యాండ్ లో హీరో రామ్, హీరోయిన్ హన్సికల మీద యుగళ గీతాలను చిత్రీకరించుకుంది. ప్రస్తుతం షూటింగ్ పూర్తి చేసుకున్న రామ్ "కందిరీగ" చిత్రం పోస్ట్ ప్రొడక్షన్ పనుల్లో ఉంది.

జూలై 10 వ తేదీన, రామ్ "కందిరీగ" చిత్రం ఆడియో, హైదరాబాద్ లోని తాజ్ డక్కన్ హోటల్లో వైభవంగా విడుదల చేయటానికి ఈ చిత్ర నిర్మాత బెల్లంకొండ సురేష్ సన్నాహాలు చేస్తున్నారు. అలాగే ఈ చిత్రాన్ని ఆగస్ట్ నెలలో తొలివారంలో విడుదల చేయటానికి కూడా ఆయన సన్నాహాలు చేస్తున్నారట. ఈ సినిమాలో కలర్స్ స్వాతి ఒక ముఖ్య పాత్రలో నటిస్తూండగా, సోనూ సూద్ విలన్ గా నటిస్తూండగా, శ్రియ శరన్ ఒక ఐటమ్ సాంగ్ లో నటిస్తూందని తెలిసింది.