English | Telugu
'జవాన్' ఫస్ట్ వీకెండ్ కలెక్షన్స్.. బాక్సాఫీస్ షేప్ అవుట్ అవుతోంది అక్కడ!
Updated : Sep 11, 2023
బాలీవుడ్ బాద్షా షారుక్ ఖాన్ ఇంకోసారి బాక్సాఫీస్ పై దండయాత్ర చేస్తున్నాడు. 2023 ప్రారంభంలో 'పఠాన్'గా సంచలనం సృష్టించిన షారుక్.. తాజాగా 'జవాన్'గా పలకరించాడు. తమిళ దర్శకుడు అట్లీ తెరకెక్కించిన ఈ సినిమాలో కింగ్ ఖాన్ తండ్రీకొడుకులుగా ద్విపాత్రాభినయం చేశాడు. లేడీ సూపర్ స్టార్ నయనతార ఇందులో నాయికగా నటించింది. కాగా, గురువారం (సెప్టెంబర్ 7) జనం ముందు నిలిచిన 'జవాన్'.. విడుదలైన అన్ని చోట్ల వసూళ్ళ వర్షం కురిపిస్తోంది. మరీముఖ్యంగా.. శని, ఆది వారాల్లో ఈ మూవీ వసూళ్ళ హవా మాములుగా లేదు. ప్రపంచ వ్యాప్తంగా ఫస్ట్ వీకెండ్ లో రూ. 520. 65 కోట్ల గ్రాస్ ఆర్జించింది 'జవాన్' మూవీ. బాలీవుడ్ చరిత్రలో ఇదే హయ్యస్ట్ ఫస్ట్ వీకెండ్ కలెక్షన్ కావడం విశేషం.
ఏరియాల వారిగా 'జవాన్' ఫస్ట్ వీకెండ్ కలెక్షన్స్ వివరాలు:
తెలుగు రాష్ట్రాలు: రూ.33.45 కోట్ల గ్రాస్
తమిళనాడు : రూ.27.65 కోట్ల గ్రాస్
కర్ణాటక: రూ. 28.75 కోట్ల గ్రాస్
కేరళ: రూ. 9.35 కోట్ల గ్రాస్
రెస్ట్ ఆఫ్ ఇండియా: రూ. 240. 85 కోట్ల గ్రాస్
ఓవర్సీస్: రూ.180.60 కోట్ల గ్రాస్
ప్రపంచవ్యాప్తంగా ఫస్ట్ వీకెండ్ కలెక్షన్స్ : రూ.520.65 కోట్ల గ్రాస్
హిందీ వెర్షన్ ఫస్ట్ వీకెండ్ నెట్: రూ. 252. 08 కోట్లు