పవన్ "గబ్బర్ సింగ్" ఫస్ట్ లుక్ జనవరి 5 న విడుదలవుతుందని విశ్వసనీయవర్గాలద్వారా అందిన సమాచారం. వివరాల్లోకి వెళితే పరమేశ్వర ఆర్ట్స్ పతాకంపై, హరీష్ శంకర్ దర్శకత్వంలో, పవర్ స్టార్ పవన్ కళ్యాణ్ హీరోగా, అందాల తార శృతి హాసన్ హీరోయిన్ గా, బడ్ల గణేష్ నిర్మిస్తున్న చిత్రం"గబ్బర్ సింగ్". బాలీవుడ్ లో సల్మాన్ ఖాన్, సోనాక్షీ సిన్హా జంటగా నటించగా సూపర్ హిట్టయిన "దబాంగ్" చిత్రం ఈ "గబ్బర్ సింగ్" చిత్రానికి మాతృక.

ఈ చిత్ర దర్శకుడు హరీష్ శంకర్ గతంలో రవితేజతో "షాక్", "మిరపకాయ్" చిత్రాలకు దర్శకత్వం వహించారు. ఈ రెండు చిత్రాల్లో "షాక్" తో మంచి టెక్నీషియన్ గా పేరు తెచ్చుకుని, "మిరపకాయ్" తో మంచి కమర్షియల్ హిట్ కొట్టాడు హరీష్ శంకర్. దర్శకుడిగా ఇదతనికి మూడవ చిత్రం. ఈ "గబ్బర్ సింగ్" చిత్రానికి దేవీ శ్రీ ప్రసాద్ సంగీతాన్నందిస్తున్నారు. పవన్ "గబ్బర్ సింగ్" ఫస్ట్ లుక్ జనవరి 5 న విడుదల కానుందట.