యన్ టి ఆర్, శ్రీను వైట్ల చిత్రం"యాక్షన్" అని విశ్వసనీయవర్గాల ద్వారా అందిన సమాచారం. వివరాల్లోకి వెళితే పరమేశ్వర ఆర్ట్స్ పతాకంపై, యంగ్ టైగర్ యన్ టి ఆర్ హీరోగా, "దూకుడు"తో మంచి దూకుడు మీదున్న డైనమిక్ డైరెక్టర్ శ్రీను వైట్ల దర్శకత్వంలో, బడ్ల గణేశ్ నిర్మించబోయే చిత్రానికి "యాక్షన్" అన్న పేరుని నిర్ణయించినట్లు తెలిసింది. ఈ "యాక్షన్" అన్న పేరుకి "విత్ ఎంటర్ టైన్ మెంట్‍" అన్న క్యాప్షన్ కూడా నిర్ణయించారు. ఈ "యాక్షన్" చిత్రంలో హీరో యన్ టి ఆర్ సరసన కాజల్ అగర్వాల్ జంటగా నటించనుంది.

"బృందావనం" చిత్రం తర్వాత వీరిద్దరూ కలసి నటిస్తున్న చిత్రం ఇదే. "శక్తి, ఊసరవెల్లి" చిత్రాలు ఫ్లాపులవటంతో, తర్వాత రాబోయే చిత్రాలు హిట్ అవ్వాలనే తపనతో యన్ టి ఆర్ ఉన్నట్టు సమాచారం. "దూకుడు" వంటి బ్లాక్ బస్టర్ హిట్టిచ్చిన తర్వాత తన దర్శకత్వంలో రాబోతున్న చిత్రం"యాక్షన్" కనుక శ్రీను వైట్ల మరింత జాగ్రత్తగా ఈ చిత్రం గురించి ఆలోచిస్తున్నట్లు తెలిసింది. ఈ "యాక్షన్" చిత్రం రానున్న ఫిబ్రవరిలో ప్రారంభం కానుంది.