స్టార్ హీరోయిన్ 'దీపికా పదుకునే'(Deepika Padukone)కి ఇప్పుడు సినిమాల పరంగా కొంచం బ్యాడ్ టైం నడుస్తుందని భావించవచ్చు. ఇండియన్ సిల్వర్ స్క్రీన్ వద్ద ప్రెస్టేజియస్ట్ ప్రాజెక్ట్స్ గా తెరకెక్కబోయే స్పిరిట్ , కల్కి పార్ట్ 2 నుంచి మేకర్స్ ఆమెని తప్పించారు. ఇలా తప్పించడానికి వర్కింగ్ అవర్స్ కి సంబంధించిన కారణాలని ప్రచారం జరిగినా, సందీప్ రెడ్డి మాత్రం దీపికా తన పీఆర్ టీమ్ ద్వారా 'స్పిరిట్’ స్టోరీని లీక్ చేయడానికి ప్రయత్నిస్తోందంటు చాలా ఘాటైన విమర్శలే చేసాడు. ఈ మాటలు దీపిక కెరీర్ పై ఎంతగా ప్రభావం చూపుతాయో తెలియదు కానీ, సోషల్ మీడియా వేదికగా మాత్రం ఆమెపై ట్రోలింగ్ నడిచింది. తాజాగా మరోసారి దీపికాపై విమర్శనాస్త్రాలతో పాటు ట్రోలింగ్ నడుస్తుంది.

దీపికా రీసెంట్ గా తన భర్త ప్రముఖ అగ్ర హీరో 'రణవీర్ సింగ్'(Ranaveersingh)తో కలిసి ఒక యాడ్ షూటింగ్ లో పాల్గొంది. ఆ యాడ్ యునైటెడ్ అరబ్ ఎమిరేట్స్ రాజధాని 'అబుదాబి' నగరాన్ని ప్రమోట్ చేస్తూ రూపొందగా, 'అబుదాబి టూరిజం బోర్డు' రూపొందించింది. సదరు యాడ్ లో దీపికా, రణబీర్ లు అబుదాబి(Abu Dhabi)అందాలని చూపిస్తు అక్కడి సాంస్కృతిక గొప్పతనాన్ని హైలెట్ చేస్తూ చెప్పారు. ఈ సందర్భంగా అబుదాబిలో ప్రఖ్యాతి గాంచిన 'షేక్‌ జాయెద్‌ గ్రాండ్‌ మసీదు'(Sheikh Zayad Masjid)కి కూడా వెళ్లారు. ఆ సమయమంలో దీపికా హిజాబ్ ని ధరించింది. ముస్లిమ్ మతానికి చెందిన మహిళలు తమ సంప్రదాయం ప్రకారం హిజాబ్‌ ని ధరించడం ఆనవాయితీ. దీపికా కూడా ఆ సంప్రదాయాన్ని గౌరవిస్తు హిజాబ్ ని ధరించి 'షేక్‌ జాయెద్‌ గ్రాండ్‌ మసీదు' ప్రాంగణం మొత్తం తిరిగింది. దీంతో హిందూ నేపథ్యం కలిగిన నటి వేరే మతపరమైన దుస్తులు ధరించి, పర్యాటక ప్రకటన చేయడం సరైందా? డబ్బుల కోసం ఏదైనా చేసేస్తావా?భారతీయుల పరువు తీశావ్, హిందూ ఐకాన్‌గా ఉన్న నువ్వు హిజాబ్ ఎందుకు వేసుకున్నావు అంటు కొంత మంది నెటిజెన్లు ఆగ్రహం వ్యక్తం చేస్తున్నారు. మరికొంత మంది మాత్రం దీపికా చేసింది కేవలం సాంస్కృతిక గౌరవ సూచకం మాత్రమే, షేక్‌ జాయెద్‌ గ్రాండ్‌ మసీదుని సందర్శించాలంటే ఎవరైనా సరే హిజాబ్ ధరించాల్సిందే, అక్కడి షరతులు తెలుసుకోకుండా విమర్శలు చేయవద్దని దీపికా కి సపోర్ట్ చేస్తున్నారు.

సినిమాల పరంగా చూసుకుంటే దీపికా ప్రస్తుతం అల్లుఅర్జున్(Allu Arjun)అట్లీ(Atlee)ప్రాజెక్ట్ లో చేస్తుండగా, ప్రస్తుతం ఈ చిత్రం చిత్రీకరణ దశలో ఉంది. గతంలో తను హాలీవుడ్ లో చేసిన 'త్రిబుల్ ఎక్స్ రిటర్న్ ఆఫ్ జాండర్ కేజ్ కి సీక్వెల్ లోను దీపికా ని ఖాయం చేసినట్టుగా టాక్.