English | Telugu
దాసరికి యస్వీఆర్ పురస్కార అవార్డు
Updated : Jun 29, 2011
దాసరికి యస్వీఆర్ పురస్కార అవార్డు లభించింది. జి.వి.ఆర్. ఆరాధన కల్చరల్ ఫౌండేషన్ వారి యస్వీఆర్ పురస్కార అవార్డుని ప్రముఖ దర్శకుడు, దర్శకరత్న, డాక్టర్ దాసరి నారాయణకు అందజేయనున్నారు. జూలై 3 వ తేదీ, సాయంత్రం 6 గంటలకు, రవీంద్ర భారతిలో జరిగే ఒక కార్యక్రమంలో ఈ పురస్కారాన్ని ఆయనకు అందజేస్తారు. ఈ యస్వీఆర్ పురస్కార అవార్డు ఫంక్షన్ కి మన రాష్ట్ర ముఖ్యమంత్రి గౌరవనీయులు యన్.కిరణ్ కుమార్ రెడ్డి ముఖ్య అతిథిగా విచ్చేయనున్నారు.
ఈ అవార్డు అందుకోనున్న దాసరి గిన్నీస్ బుక్ ఆఫ్ రికార్డ్స్ లో, ప్రపంచంలోనే అత్యధిక చిత్రాలకు దర్శకత్వం వహించిన ఏకైక దర్శకుడిగా తన పేరు నమోదు చేసుకున్నారు. ఆయన 150 సినిమాలకు దర్శకత్వం వహించారు. వాటిలో "తాత-మనవడు" నుండి "ప్రేమాభిషేకం, బొబ్బిలిపులి, మేఘసందేశం, శివరంజని, తూర్పు-పడమర" వంటి అనేక సూపర్ హిట్ చిత్రాలూ, సామాజిక చైతన్యం కలిగించే చిత్రాలూ అనేకం ఉన్నాయి.