"కెమిస్ట్రి" చిత్రం లోగో లాంచ్ ఇటీవల హైదరాబాద్ లో ఘనంగా జరిగింది. వివరాల్లోకి వెళితే వివిడ్ జర్నీ ప్రొడక్షన్స్ పతాకంపై, శ్రీరామ్ హీరోగా, అమితా రామ్ ని హీరోయిన్ గా పరిచయం చేస్తూ, వాచస్పతి దర్శకత్వంలో, ఉదయ్ కుమార్ నిర్మిస్తున్న చిత్రం "కెమిస్ట్రి".ఈ "కెమిస్ట్రి" చిత్రానికి "మనసుకి మనసుకి మధ్య" అనే క్యాప్షన్ ని కూడా నిర్ణయించారు.ఫిబ్రవరి ఒకటవ తేదీ నుండి షూటింగ్ ప్రారంభించుకుని రెండు షెడ్యూల్స్ కి ఈ చిత్రాన్ని పూర్తి చేస్తామని ఈ చిత్రం యూనిట్ మీడియాకు తెలియజేసింది.

తమకు ఈ చిత్రంలో అవకాశమిచ్చినందుకు ఈ చిత్రంలోని హీరో, హీరోయిన్లు నిర్మాత దర్శకులకు కృతజ్ఞతలు తెలిపారు. ఈ "కెమిస్ట్రి" చిత్రానికి ఘంటసాల విశ్వనాథ్ సంగీతాన్నందిస్తున్నారు.ఈ "కెమిస్ట్రి" చిత్రం లోగో లాంచ్ కి ప్రముఖనిర్మాత అనిల్ సుంకర, "ఇట్స్ మై లవ్ స్టోరీ" హీరో అరవింద్ కృష్ణ తదితరులు హాజరయ్యారు.