English | Telugu
బాబాయ్ నోట అబ్బాయ్ మాట!
Updated : Aug 26, 2023
సినిమా వేడుక ఏదైనా ఆ వేడుకకు హాజరైన అభిమానులతో జూనియర్ ఎన్టీఆర్ తరచూ చెప్పే మాట "మీ కోసం మిమ్మల్నే నమ్ముకున్న వాళ్ళు ఇంటి దగ్గర ఎదురుచూస్తూ ఉంటారు. జాగ్రత్తగా ఇంటికి వెళ్ళండి". ఇప్పుడు ఈ మాట బాబాయ్ బాలకృష్ణ నోటి నుంచి కూడా వచ్చింది.
రామ్ పోతినేని హీరోగా బోయపాటి శ్రీను దర్శకత్వంలో రూపొందిన చిత్రం 'స్కంద'. పాన్ ఇండియా మూవీగా తెరకెక్కిన 'స్కంద' వినాయక చవితి కానుకగా సెప్టెంబర్ 15న ప్రేక్షకుల ముందుకు రానుంది. ఈ నేపథ్యంలో తాజాగా బాలకృష్ణ చేతుల మీదుగా మూవీ ట్రైలర్ ను విడుదల చేశారు. ఈ వేడుకలో అభిమానులను ఉద్దేశించి బాలయ్య మాట్లాడిన మాటలు అబ్బాయ్ తారక్ ని గుర్తు చేశాయి. "చాలా దూరం నుండి, బయట ఊళ్ళ నుండి కూడా వచ్చి ఉంటారు. అక్కడ మీ కోసం చాలామంది ఎదురుచూస్తుంటారు. వెళ్ళేటప్పుడు జాగ్రత్తగా వెళ్ళండి." అని బాలయ్య అన్నారు. అభిమానుల కోలాహలం చూసి ఆనందపడి అక్కడితో ఆగకుండా.. వారి క్షేమం కోరుతూ బాలయ్య మాట్లాడిన మాటలు హత్తుకున్నాయి.