తెలుగు సినీ పరిశ్రమలో ఎంత మంది హీరోలు ఉన్న నందమూరి నట సింహం బాలకృష కి ఉన్న ప్రత్యేకతే వేరు. ఏ విషయాన్నీ అయినా నాన్చకుండా అవతలి వారికి అర్ధమయ్యేలా నిర్మొహమాటంగా తన అభిప్రాయాన్ని వెల్లడించడం బాలయ్య స్టైల్. అందుకే బాలయ్యకి అంత పెద్ద ఫ్యాన్ ఫాలోయింగ్ ఉంటుంది. ప్రస్తుతం అటు సినిమాల్లోనూ,ఇటు రాజకీయాల్లోనూ ఫుల్ బిజీగా ఉన్న బాలకృష్ణ తాజాగా జూనియర్ ఎన్టీఆర్ గురించి అలాగే సినిమా ఇండస్ట్రీ గురించి చేసిన ఒక వ్యాఖ్య నందమూరి అభిమానులతో పాటు సినీ రాజకియ వర్గాల్లో సంచలనం సృష్టిస్తుంది.

గత కొన్ని రోజుల క్రితం తెలుగుదేశం పార్టీ అధినేత మాజీ ముఖ్యమంత్రి చంద్రబాబు నాయుడు అరెస్ట్ అయిన విషయం అందరికి తెలిసిందే. ఇక్కడ అందరు గమనించాలసిన విషయం ఏంటంటే తెలుగు దేశం పార్టీ వ్యవపాస్థాపకుడు కీర్తి శేషులు నందమూరి తారకరామారావు సినిమా పరిశ్రమ నుంచే వెళ్లి తెలుగు దేశం పార్టీని స్థాపించారు.ఆ నాటి నుంచే సినీ రంగానికి తెలుగుదేశం పార్టీ కి ఎంతగానో విడదీయరాని అనుబంధం ఉంది. ఎంతో మంది సినిమా వాళ్ళు తెలుగు దేశం పార్టీ తరుపున రాజకీయపరమైన పదవులని సైతం పొందారు. ఇది అందరికి తెలిసిన బహిరంగ రహస్యమే. అలాగే ఇక్కడో ఇంకో విషయం గురించి కూడా ప్రత్యేకంగా చెప్పుకోవాలి. పెద్దాయన అభిమానులు అంటే నందమూరి తారక రామారావు అభిమానులు ఆయన్ని ఎంతగా అభిమానిస్తారో అంతే అభిమానంతో బాలకృష్ణని అలాగే జూనియర్ ఎన్టీఆర్ ని కూడా అభిమానిస్తారు. ఇప్పుడు ఈ విషయం గురించి ఎందుకు చెప్పుకోవలసి వస్తుందంటే బాలకృష్ణ ని తాజాగా కొంత మంది విలేకర్లు చంద్రబాబు గారి అరెస్ట్ పై సినీ పరిశ్రమ స్పందించకపోవడంపై మీ అభిప్రాయం ఏంటి అలాగే జూనియర్ ఎన్టీఆర్ కూడా స్పందించకపోవడం పై కూడా మీ స్పందన ఏంటి అని అడిగితే బాలయ్య వెంటనే ఏ మాత్రం తడుముకోకుండా ఐ డోంట్ కేర్ అని అన్నాడు. బాలయ్య చెప్పిన ఈ డైలాగ్ ఇప్పుడు ఒక్కసారిగా రెండు తెలుగు రాష్ట్రాలలో హీట్ ని రాజేస్తోంది.