తమిళ చిత్ర దర్శకుడు అట్లీ ఇటీవలే షారుఖ్ ఖాన్ తో చేసిన జవాన్ మూవీతో ఇండియన్ సినిమా దర్శకుడుగా మారిపోయాడు. ఆ మూవీ 1000 కోట్లు కలెక్షన్స్ ని కూడా సాధించడంతో ఒక్కసారిగా అట్లీ పేరు మారుమోగిపోయింది. దీంతో ఆయనకీ హాలీవుడ్ నుంచి కూడా ఆఫర్స్ వస్తున్నాయి. అట్లీ డైరెక్షన్స్ లో వచ్చే నెక్స్ట్ ప్రాజెక్ట్ కోసం అందరు ఎదురుచూస్తున్న వేళ తన భార్య గురించి అట్లీ చెప్పిన మాటలు ఇప్పుడు నెట్టింట హాట్ టాపిక్ అయ్యాయి.

అట్లీ భార్య పేరు ప్రియ. ఈ రోజు ఆమె పుట్టిన రోజు .ఈ సందర్భంగా అట్లీ తన ట్విట్టర్ లో ఒక పోస్ట్ చేసాడు. నేను ఓ అమ్మాయి కావాలని దేవుడ్ని అడిగాను కానీ ఆ దేవుడు నా భార్య రూపంలో నాకొక దేవతను ఇచ్చాడు.ఈ దేవత వల్లే నా కోరికలు కలలు నిజం అయ్యాయి అని రాసుకొచ్చాడు. అలాగే నువ్వే నా సర్వస్వం ఇప్పుడు మనకు ఓ చిన్న ఫ్యామిలీ ఏర్పడింది. నేను మీర్ కలిసి నీకు బర్త్ డే విషెస్ చెబుతున్నాం అంటు తన భార్యతో ఉన్న ఫోటోలను అట్లీ షేర్ చేశాడు.ఇప్పుడు అట్లీ వ్యాఖ్యలతో పాటు పిక్స్ సోషల్ మీడియాలో సంచలనం సృష్టిస్తున్నాయి.

అట్లీ చెయ్యబోయే నెక్స్ట్ ప్రాజెక్టు గురించి అధికారకంగా ఇప్పటి వరకు ఎలాంటి ప్రకటన రాకపోయినా కూడా విజయ్ ,షారూక్ ల మల్టి స్టారర్ ని అట్లీ తెరకెక్కిస్తాడని అందరు అంటున్నారు. ఇది వరకే ఈ కాంబోలో సినిమా ఉంటుందని అట్లీనే స్వయంగా చెప్పాడు. భారత దేశ వ్యాప్తంగా పేరు సంపాదించిన తమిళ దర్శకులైన మణి రత్నం,శంకర్ ల సరసన కూడా అట్లీ నిలిచాడు.