బాలకృష్ణ "అధినాయకుడు ఫిబ్రవరి 18 న విడుదల కానుందని విశ్వసనీయవర్గాలద్వారా అందిన సమాచారం. వివరాల్లోకి వెళితే శ్రీ కీర్తి క్రియేషన్స్ పతాకంపై, యువరత్న నందమూరి బాలకృష్ణ హీరోగా, లక్ష్మీ రాయ్, సలోని, ఛార్మి కౌర్, జయసుధ హీరోయిన్లుగా, "ఆంధ్రుడు"ఫేం పరుచూరిమురళి దర్శకత్వంలో, యమ్.యల్.పద్మకుమార్ చౌదరి నిర్మిస్తున్న విభిన్నకథాచిత్రం "అధినాయకుడు". ఈ "అధినాయకుడు" చిత్రంలో హీరో బాలకృష్ణ త్రిపాత్రాభినయం చేస్తున్నారు.

తాత, తండ్రి, మనవడుగా మూడు పాత్రలను ఆయన ఈ "అధినాయకుడు" చిత్రంలో పోషిస్తున్నారు. కళ్యాణి మాలిక్ ఈ "అధినాయకుడు" చిత్రానికి చక్కని సంగీతం అందించారు. ఈ "అధినాయకుడు" చిత్రాన్ని ముందుగా సంక్రాంతి పండుగకు విడుదల చేస్తామని అన్నా, కొన్ని అనివార్యకారణాల వల్ల ఫిబ్రవరి 18 వ తేదీన, శివరాత్రి పర్వదిన కానుకగా విడుదల చేయటానికి సన్నాహాలు చేస్తున్నారు.