ప్రిన్స్, చెర్రీ ఫ్యాన్స్ మధ్య బెట్టింగ్ జరుగుతుందని తెలిసింది. వివరాల్లోకి వెళితే ప్రిన్స్ మహేష్ బాబు హీరోగా నటించిన "పోకిరి" చిత్రమ 75 యేళ్ళ తెలుగు సినీ పరిశ్రమ బాక్సాఫీస్ రికార్డ్ లను తిరగరాసింది. ఆ తర్వాత రామ్ చరణ్ హీరోగా నటించిన "మగధీర" సినిమా ఆ రికార్డులన్నీ చెరిపేసి కొత్త రికార్డులను క్రియేట్ చేసింది. ఇటీవల వంద రోజులు పూర్తిచేసుకున్న మహేష్ బాబు సినిమా "దూకుడు" సినిమా "మగధీర" రికార్డులను తిరగరాసిందని స్వయంగా ఆ చిత్ర నిర్మాత అనీల్ సుంకర తెలియజేశాడు. ఆ విషయం ప్రిన్స్ మహేష్ బాబు అభిమానులకూ, రామ్ చరణ్ తేజ అభిమానులకూ మధ్య పెను వివాదాన్ని రేకెత్తించింది.

మాదే అసలు రికార్డంటే మాదే అసలు రికార్డంటూ ఇరు వర్గాలూ మీడియాకెక్కాయి. అయితే ప్రస్తుతం ప్రిన్స్ మహేష్ బాబు హీరోగా నటిస్తున్న "బిజినెస్ మ్యాన్" చిత్రం రేపు రానున్న సంక్రాంతి పండుగకు విడుదల కాబోతూంది. తమ హీరో నటించిన "బిజినెస్ మ్యాన్" అన్ని రికార్డులనూ బ్రేక్ చేస్తుందని ప్రిన్స్ మహేష్ బాబు అభిమానులంటూంటే, ఆ చిత్రం రికార్డ్ బ్రేక్ చేయదని రామ్ చరణ్ తేజ అభిమానులు బెట్ కడుతున్నారట.