జీ తెలుగు ఇటీవల వాలెంటైన్స్ డేని పురస్కరించుకుని "ఓ రెండు ప్రేమ మేఘాలు" అనే క్యూట్ ఎపిసోడ్ ని ప్రసారం చేసింది. ఇందులో విశ్వా-శ్రద్దా జోడి వచ్చారు. అన్నీ రకాల గేమ్స్ లో పార్టిసిపేట్ చేసి ఆడియన్స్ ని ఎంటర్టైన్ చేసారు. "జీ తెలుగుతో చాలా అనుబంధం వుంది విశ్వాకి ..శ్రద్దాకు ఆరో నెల నడుస్తోంది. ఐనా మేము చెప్పగానే వస్తాను అని చెప్పింది" చాలా థ్యాంక్స్ అని ప్రదీప్ వాళ్ళ గురించి చెప్పాడు. అలా ఈ షోకి వచ్చిన లేడీస్ అందరినీ స్టేజి మీదకు ఇన్వైట్ చేసి శ్రద్దాకు చిన్న సైజు సీమంతం వేడుక చేశారు. గాజులు, పూలు, చీర ఇచ్చి అక్షింతలు వేసి అందరూ ఆశీర్వదించారు. "ముందు పెళ్లి చేయాలి అంటే పిల్లనిచ్చే ఏ తల్లితండ్రులైనా సరే అబ్బాయికి ఇల్లుందా అని చూస్తారు..కానీ మా ఇంట్లో ముగ్గురు అన్నదమ్ములం..ఇల్లు కట్టాలంటే నాలుగు పిల్లర్లు కావాలి. మరి అప్పటికి మూడు పిల్లర్లే ఉన్నాయి.

అప్పుడు నాలుగో పిల్లర్లా వచ్చి నిలబడ్డాడు ఆ దేవుడిచ్చిన బ్రదర్..ఆ డార్లింగ్ నా పక్కన నిలబడ్డాడు కాబట్టే నేను అప్పుడు ఇల్లు తీసుకోగలిగాను. ఆ ఇల్లు కట్టుకున్నాకే శ్రద్దా వాళ్ళ ఫామిలీ మా ఇంటికి వచ్చి ఆమెను నా చేతిలో పెట్టారు. ఆ దేవుడు ఇచ్చిన బ్రదర్ ఈ స్టేజి మీద ఉన్నాడు..అతను మరెవరో కాదు అంటూ ప్రదీప్ ని పిలిచి గట్టిగా హగ్ చేసుకున్నాడు..నేను ఇప్పటివరకు ఎవ్వరి బ్లెస్సింగ్ తీసుకోలేదు..కానీ ఈరోజు నేను ప్రదీప్ బ్లెస్సింగ్ తీసుకుంటున్నా అని కాళ్ళు పట్టుకున్నాడు" విశ్వ " ఫ్యూచర్ లో మీ ఆవిడకు కూడా మేమే సీమంతం చేస్తాం" అని హరిత ప్రదీప్ తో అనేసరికి అందరూ నవ్వేశారు .."మీరు కాకపొతే ఇంకెవరు చేస్తారమ్మా" అన్నాడు ప్రదీప్..."మా పట్టుచీరలన్నీ అలా పెండింగ్ లో ఉండిపోతున్నాయి అని హరిత అనేసరికి పట్టుచీర కోసం పెళ్లి చేసుకోవడం బాగోదు కదా " అన్నాడు ఫన్నీగా ప్రదీప్.