"గోల్ మాల్ 3"తెలుగులో వెంకీ రీమేక్ చేయనున్నారని విశ్వసనీయవర్గాలద్వారా అందిన సమాచారం. వివరాల్లోకి వెళితే బాలీవుడ్లో సూపర్ హిట్టయిన "గోల్ మాల్ 3" చిత్రాన్ని తెలుగులో ప్రముఖ హీరో విక్టరీ వెంకటేష్ రీమేక్ చేయనున్నారని తెలిసింది. "గోల్ మాల్ 3" హిందీ చిత్రంలో అజయ్ దేగణ్, కరీనా కపూర్, తుషార్ కపూర్, హర్షద్ వార్సీ, తల్పాడే తదితరులు నటించారు. ఈ చిత్రాన్నే తెలుగులో యువ దర్శకులు శ్రీను వైట్ల దర్శకత్వంలో రీమేక్ చేయాలని వెంకటేష్ ఆలోచిస్తున్నారట.

గతంలో వెంకటేష్ హీరోగా, త్రిష హీరోయిన్ గా నటించిన "నమో వెంకటేశ" చిత్రానికి శ్రీను వైట్ల దర్శకత్వం వహించారు. ఆ చిత్రం ఘనవిజయం సాధించకపోయినా, ఫరవలేదనిపించింది. కానీ శ్రీను వైట్ల పనిచేసే తీరు, సినిమా పట్ల అతనికున్న కమిట్ మెంట్ బాగా నచ్చటం వల్లే వెంకటేష్ అతని దర్శకత్వంలో ఈ చిత్రాన్ని రీమేక్ చేయాలనుకుంటున్నారట.