మనోజ్ "ఊకొడతారా...ఉలిక్కి పడతారా..."ఆగస్ట్ 1 నుంచి ప్రారంభం కానుందని విశ్వసనీయ వర్గాల ద్వారా తెలిసిన సమాచారం. వివరాల్లోకి వెళితే మంచు ఎంటర్టైన్ మెంట్స్ పతాకంపై, యువడైనమిక్ హీరో మంచు మనోజ్ కుమార్ హీరోగా, దీక్షా సేథ్ హీరోయిన్ గా, శేఖర్ రాజా అనే యువకుణ్ణి దర్శకుడిగా పరిచయం చేస్తూ డైనమిక్ లేడీ మంచు లక్ష్మీ ప్రసన్న నిర్మిస్తున్న విభిన్నకథా చిత్రం "ఊకొడతారా...ఉలిక్కి పడతారా...". "ఊకొడతారా...ఉలిక్కి పడతారా..." చిత్రంలో నందమూరి నటసింహం, యువరత్న నందమూరి బాలకృష్ణ ఒక ముఖ్య పాత్రలో నటించనున్నారు. ఈ "ఊకొడతారా...ఉలిక్కి పడతారా..." చిత్రం కోసం మణి కొండలో అత్యంతఖరీదైన "గంధర్వ మహల్" అనే భారీ సెట్ ను నిర్మించారు.

పంతొమ్మిదవ శతాబ్దానికి చెందిన కథా నేపథ్యంలో ఈ చిత్రం జరుగుతుంది. ఈ "ఊకొడతారా...ఉలిక్కి పడతారా..." చిత్రానికి "బిందాస్" ఫేం బోబో శశి సంగీతాన్ని అందిస్తుండగా, "ఆర్య-2, ఆరెంజ్" వంటి చిత్రాలకు సినిమాటోగ్రాఫర్ గా పనిచేసిన రాజశేఖర్ ఈ చిత్రానికి కూడా సినిమాటోగ్రాఫర్ గా పనిచేస్తున్నారు. ఆగస్ట్ 1 వ తేదీ నుండి రెగ్యులర్ షూటింగ్ ప్రారంభించుకోబోతున్న ఈ విభిన్న కథా చిత్రానికి ప్రముఖ మాటల రచయిత, "చందమామ, అలామొదలైంది" చిత్రాల ఫేం లక్ష్మీ భూపాల్ "ఊకొడతారా...ఉలిక్కి పడతారా..." చిత్రానికి సంభాషణలను అందిస్తున్నారు.