English | Telugu
రజనీ కాంత్ కి చెన్నైలో ఘనస్వాగతం
Updated : Jul 12, 2011
రజనీ కాంత్ కి చెన్నైలో ఘనస్వాగతం ఏర్పాటుచేయటానికి ఆయన అభిమానులు వేలాదిగా ఎయిర్ పోర్టుకు చేరుకుంటారట. రజనీ కాంత్ సింగపూర్ నుండి చెన్నైకి ఈ రోజు సాయంత్రం వస్తున్నారు. రజనీ కాంత్ తాను హీరోగా నటిస్తున్న "రాణా" మూవీ ప్రారంభోత్సవం సందర్భంగా అనారోగ్యానికి గురయ్యారు. ఆ తర్వాత రజనీ కాంత్ ఆరు వారాల పాటు సింగపూర్ లోని మౌంట్ ఎలిజబెత్ హాస్పిటల్ సెంటర్ లోని ఇంటెన్సీవ్ కేర్ యూనిట్ లో ట్రీట్ మెంట్ తీసుకుని నేడు చెన్నైకి సంపూర్ణ ఆరోగ్యంతో తిరిగివస్తున్న సందర్భంగా ఆయన అభిమానులు వేలాదిగా చెన్నై ఎయిర్ పోర్ట్ కు తరలి వస్తున్నారు.
ఆయన రాకతో కె.యస్.రవికుమార్ దర్శకత్వంలో, రజనీ కాంత్ హీరోగా, దీపిక పదుకునే, ఇలియానా హీరోయిన్లుగా నటించబోయే "రాణా" చిత్రం త్వరలోనే ప్రారంభం కానుంది. అయితే దీపిక పదుకునే డేట్లు ఖాళీ లేకపోవటంతో ఈ చిత్రం రెగ్యులర్ షూటింగ్ మరికొన్ని రోజులు వాయిదా పడే అవకాశముంది.