రజనీ కాంత్ "రాణా" లో హీరోయిన్ పాట పూర్తి అయ్యిందని విశ్వసనీయ వర్గాల ద్వారా అందిన సమాచారం. వివరల్లోకి వెళితే సౌతిండియన్ సూపర్ స్టార్ రజనీ కామత్ హీరోగా, ప్రముఖ బాలీవుడ్ హీరోయిన్ దీపిక పదుకునే, నలకనడుము గోవా భామ ఇలియానా హీరోయిన్లుగా, కె.యస్.రవికుమార్ దర్శకత్వంలో నిర్మించబడే భారీ బడ్జెట్ చిత్రం "రాణా". ఈ సినిమా ప్రారంభోత్సవం రోజునే హీరో రజనీ కాంత్ అనారోగ్యం పాలవటం, సింగపూర్ లో ట్రీట్ మెంట్ తీసుకుని ఇటీవలే చెన్నైకి తిరిగి రావటం మనకు తెలిసిందే.

ఆ రజనీ కాంత్ "రాణా" చిత్రంలో  హీరోయిన్ ఇంట్రడక్షన్ సాంగ్ ని ఇప్పటికే పూర్తి చేశారట ఈ చిత్రం యునిట్. ఆ పాట ఎలా వచ్చిందో డి.వి.డి.రూపంలో రజనీ కాంత్ కి చూపుతారట. రజనీ కాంత్ ఆగస్ట్ 14 వ తేదీన తిరుమల తిరుపతి శ్రీ వేంకటేశ్వర స్వామివారిని దర్శించుకుని, ఆయన ఆశీర్వాదం తిసుకున్న తర్వాతే ఈ "రాణా" చిత్రం షూటింగ్ లో పాల్గొంటారట.