English | Telugu
చూపించండీ...అరే చూపించండీ...
Updated : Jul 17, 2014
టైటిల్ చూసి ఏదో అనుకొని తప్పుగా ఊహించకండి. ‘ఒక క్రిమినల్ ప్రేమకథ’ పేరుతో వస్తున్న సినిమా పోస్టర్లు చూసే వుంటారు. ఫస్ట్లుక్, సినిమా అప్డేట్స్, మొన్న జరిగిన ఆడియో లాంచ్ ఇంత వరకూ ఈ చిత్రంలో హీరోయిన్ ఫేసు చూపించలేదు. హీరోయిన్ గ్లామర్తో సినిమాకు కావలసినంత హైప్ క్రియేట్ చేసుకోవటం చూస్తుంటాం. కానీ ఇలా ముసుగులో వున్న హీరోయిన్ తో ఈ సినిమా ప్రచారం చేస్తున్నారు. చివరకు ఈ సినిమా సంబంధించిన ఫంక్షన్లలోనూ ఆమె ముసుగు వనితగానే దర్శనమిచ్చింది. రామానాయుడు చేతుల మీదుగా ఈ చిత్రం ఆడియో ఇటీవలే విడుదల అయింది. అక్కడా ఇదే తంతు.
నేటి సొసైటీలో అమ్మాయిలకు ఎదురవతున్న వివిధ సమస్యల ఆధారంగా ఈ చిత్రం రూపొందింది అని ఈ చిత్ర దర్శకుడు సునీల్ కుమార్ రెడ్డి చెబుతున్నారు. ఈ ముసుగుకి, చిత్ర కథకి ఏ రకమైన సంబంధముందో తెలియాలాంటే ఈ నెల 18 వరకూ ఆగాల్సిందే.