సినిమాకి ప్రమోషన్ అనేది చాలా ముఖ్యం. అందుకే మేకర్స్ రిలీజ్ డేట్ ని ముందే ప్రకటించేసి.. విడుదలకు నెలా రెండు నెలల ముందు నుంచే విపరీతంగా ప్రమోషన్స్ చేస్తుంటారు. అలాంటిది నందమూరి హీరో కళ్యాణ్ రామ్ మాత్రం.. కేవలం రెండు వారాల ముందు విడుదల తేదీని ప్రకటించి షాకిచ్చాడు. (Nandamuri Kalyan Ram)

కళ్యాణ్ రామ్ హీరోగా ప్రదీప్ చిలుకూరి దర్శకత్వంలో రూపొందుతోన్న చిత్రం 'అర్జున్ సన్నాఫ్ వైజయంతి'. తల్లీకొడుకుల కథలో తెరకెక్కుతోన్న ఈ సినిమాలో వైజయంతిగా విజయశాంతి, అర్జున్ గా కళ్యాణ్ రామ్ అలరించనున్నారు. ఇటీవల విడుదలైన టీజర్, సాంగ్ కి మంచి రెస్పాన్స్ వచ్చింది. ఈ సినిమా మే లేదా జూన్ లో విడుదలయ్యే అవకాశముందని వార్తలు వినిపించాయి. అయితే అనూహ్యంగా ఈ చిత్రాన్ని ఏప్రిల్ 18న విడుదల చేయనున్నట్లు ప్రకటించారు. (Arjun Son Of Vyjayanthi)

సరిగ్గా విడుదలకు రెండు వారాలే సమయముంది. ఈ రెండు వారాల్లో సినిమాని ప్రమోట్ చేసి, భారీ హైప్ తీసుకురావడం అంత తేలికైన విషయం కాదు. అలాంటిది కళ్యాణ్ రామ్.. తన కొత్త సినిమా విషయంలో తీసుకున్న నిర్ణయం సంచలనంగా మారింది. నందమూరి అభిమానులు కూడా ఇలా సడెన్ గా విడుదల తేదీని ప్రకటించడంతో షాక్ అవుతున్నారు.

'అర్జున్ సన్నాఫ్ వైజయంతి'పై ఒక్కసారిగా హైప్ వచ్చేలా చేయాలంటే.. అదిరిపోయే ట్రైలర్ ను రిలీజ్ చేయాలి. అలాగే ప్రీ రిలీజ్ ఈవెంట్ కోసం బాలకృష్ణ లేదా జూనియర్ ఎన్టీఆర్ ని రంగంలోకి దింపాలి. కళ్యాణ్ మూవీ ప్రీ రిలీజ్ ఈవెంట్ కి ఎన్టీఆర్ రావడం అనేది కొన్నేళ్లుగా కామన్ అయిపోయింది. ఇప్పటికే కళ్యాణ్ రామ్ నటించిన పలు సినిమాల ఈవెంట్స్ కి గెస్ట్ గా వచ్చాడు. అన్న అడగాలి కానీ, 'అర్జున్ సన్నాఫ్ వైజయంతి' ఈవెంట్ కి కూడా ఎన్టీఆర్ వస్తాడు అనడంలో డౌట్ లేదు. (Jr NTR)

అయితే 'అర్జున్ సన్నాఫ్ వైజయంతి' ఈవెంట్ కి ఎన్టీఆర్ కి బదులుగా బాలకృష్ణ వచ్చే అవకాశాలు ఎక్కువగా ఉన్నాయి అంటున్నారు. బాబాయ్ బాలయ్యను కళ్యాణ్ రామ్ ఎంతగానో అభిమానిస్తుంటాడు. పైగా, బాలకృష్ణ-విజయశాంతి ది అప్పట్లో హిట్ పెయిర్. అందుకే ప్రీ రిలీజ్ ఈవెంట్ కి బాలయ్యను తీసుకొస్తే బాగుంటుందనే ఆలోచనలో కళ్యాణ్ రామ్ ఉన్నాడట. (Balakrishna)

మరి 'అర్జున్ సన్నాఫ్ వైజయంతి' ఈవెంట్ కి బాలయ్య వస్తాడో లేక ఎన్టీఆర్ వస్తాడో చూడాలి. లేదంటే, ఇద్దరూ వచ్చి బిగ్ సర్ ప్రైజ్ ఇస్తారేమో చూడాలి. అదే జరిగితే నందమూరి అభిమానుల ఆనందానికి అవధులు ఉండవు.