అల్లు అర్జున్ కోసం యన్.టి.ఆర్. స్పెషల్ ఐడియా వేశారట. వివరాల్లోకి వెళితే సమకాలీన యువ హీరోల్లో యంగ్ టైగర్ యన్ టి ఆర్ కి కాస్తో కూస్తో పోటీగా చెయ్యగల సత్తా అల్లు అర్జున్ కే ఉందనీ, ఆ పోటీలో ప్రస్తుతం గత రెండు చిత్రాల నుండీ, యన్ టి ఆర్ కంటే అల్లు అర్జున్ చిత్రాల్లో పాటల్లోని డ్యాన్సే బాగుందనీ ఫిలిం నగర్ వర్గాలంటున్నాయి. దానికి కారణం అల్లు అర్జున్ సినిమాల్లోని పాటలేననీ, అల్లు అర్జున్ చిత్రాల్లోని సంగీతం యువతని ఉర్రూతలూపుతూందనీ అంతా అనుకుంటున్నారు.

దీనికి చేక్ పెట్టేందుకు యన్ టి ఆర్ కూడా తను నటిస్తున్న "ఊసరివెల్లి" సినిమాలోని ఒక పాట కోసం కొరియోగ్రఫీకి చాలా ప్రత్యేక శ్రద్ధ తీసుకుని, ఆ పాట కోసం ఏకంగా ముగ్గురు కొరియోగ్రాఫర్లను నియమిస్తున్నారట. ఆ విధంగా ముగ్గురు కొరియోగ్రాఫర్లలో పోటీ ఏర్పడి ఆ పాట బాగా వచ్చే విధంగా ప్రయత్నిస్తున్నారని వినికిడి. ఆ పాటకు సంగీత దర్శకుడు దేవీ శ్రీ ప్రసాద్ పాశ్చాత్య, కర్ణాటిక సంగీతాలను కలిపిన ప్రత్యేక బాణీలను సమకూర్చారట. "ఊసరివెల్లి" సినిమాలో యన్ టి ఆర్ డ్యాన్స్ ఇరగదీసేందుకు సిద్ధమవుతున్నాడన్నమాట ఆయన అభిమానులకు సంతోషం కలిగించేది కదూ...