English | Telugu
గాయపడ్డ మంచు లక్ష్మీ ప్రసన్న
Updated : May 14, 2011
ప్రముఖ నటుడు, నిర్మాత, విద్యాదాత, రాజకీయ నాయకుడు అయిన పద్మశ్రీ, డాక్టర్ మంచు మోహన్ బాబు కుమార్తె, "ప్రేమతో మీ లక్ష్మి" వంటి చక్కని కార్యక్రమానికి యాంకర్ గా ఉంటూ, తన తమ్ముడు మంచు మనోజ్ కుమార్ హీరోగా, కె.రాఘవేంద్రరావు దర్శకత్వంలో, "ఝుమ్మంది నాదం" వంటి సినిమాని నిర్మించి, "దొంగల ముఠా" చిత్రంలో ఒక ప్రత్యేకమైన పాత్రలో నటించి, ప్రస్తుతం "గుండెల్లో గోదారి" చిత్రంలో ప్రథాన నాయికగా నటించబోతుంది. అలాంటి లక్ష్మీ ప్రసన్నకు, మే 11 వ తేదీన, ఇంట్లో మెట్లు దిగే సమయంలో క్రిందపడగా, ముక్కుకు బలమైన గాయం అయ్యింది.
లక్ష్మీ ప్రసన్నను వెంటనే కిమ్స్ హాస్పిటల్ కి తరలించారు. ప్రస్తుతం ఆమె ఆరోగ్యానికేం ఢోకా లేదనీ, అది చిన్న గాయమేననీ, ఆమెను హాస్పిటల్ నుండి డిశ్చార్జ్ చేశారు. కానీ కొన్ని రోజుల పాటు లక్ష్మీ ప్రసన్న విశ్రాంతి తీసుకోవాల్సి ఉంటుందని డాక్టర్లు సలహా ఇచ్చినట్లు సమాచారం. మంచు లక్ష్మీ ప్రసన్న త్వరగా కోలుకుని తను తొలిసారిగా హీరోయిన్ గా నటించబోయే "గుండెల్లో గోదారి" సినిమాలో నటించాలని ఆశిస్తూంది తెలుగు వన్ డాట్ కామ్.