సురేష్ ప్రొడక్షన్స్ లో వి.యన్.ఆదిత్య చిత్రం చేస్తున్నారని విశ్వసనీయ వర్గాల ద్వారా అందిన సమాచారం. వివరాల్లోకి వెళితే ప్రముఖ యువ దర్శకుడు వి.యన్.ఆదిత్య ఒక చక్కని తయారు చేసి మూవీ మొగల్ డాక్టర్ డి.రామానాయుడు గారికి వినిపించారట. ఆయనకా కథ నచ్చటంతో వి.యన్.ఆదిత్య దర్శకత్వంలో, సురేష్ ప్రొడక్షన్స్ లో ఒక సినిమా కచ్చితంగా రాబోతూందని సమాచారం. వి.యన్.ఆదిత్య దర్శకత్వంలో, సురేష్ ప్రొడక్షన్స్ లో రాబోయే ఈ చిత్రంలో నవదీప్ హీరోగా, రాహుల్ ( "హ్యాపీడేస్" సినిమాలో టైసన్ ఫేం), శ్రీనివాస్ అవసరాల ముగ్గురూ హీరోలుగా నటిస్తారట.

ముగ్గురు హీరోలున్నారు కాబట్టి ఇదేదో హిందీలో అమీర్ ఖాన్ నటించిన "3 ఇడియట్స్" సినిమా వంటిదని అనుకుంటారేమో. కాదు...కానే కాదు. దానికీ దీనికీ అస్సలు పోలిక ఉండదట. ఇంకా ఈ చిత్రంలో శివాజీ, రీమాసేన్ జంటగా నటిస్తారట. ఈ సినిమాలో శ్రద్ధాదాస్, సంజన, సౌమ్య ముగ్గురూ హీరోయిన్లుగా నటిస్తున్నారట.  "మనసంతా నువ్వే" చిత్రం తర్వాత అంటే  దాదపు పదేళ్ళ తర్వాత రీమా సేన్ మళ్ళీ వి.యన్.ఆదిత్య దర్శకత్వంలో నటిస్తూంది.అలాగే ఈ చిత్రానికి కోటి సంగీతం అందిస్తారని కూడా తెలిసింది. ఈ సినిమా తప్పనిసరిగా విజయం సాధిస్తుందని ఫిలిం నగర్ వర్గాలంటున్నాయి.