శ్రీ చైతన్య క్రియేషన్స్, శ్రీరామ్ క్రియేషన్స్ బ్యానర్ పై అభినవ్ మదిశెట్టి, స్నేహ సింగ్ హీరో హీరోయిన్లు గా మక్కల్ వీరేంద్ర, రవికుమార్ సబ్బాని స్వీయ దర్శకత్వంలో రూపొందిన సినిమా 'దిల్ సే'. ట్రయాంగిల్ లవ్ స్టోరీతో వస్తోన్న ఈ సినిమా అన్ని కార్యక్రమాలు పూర్తి చేసుకొని ఆగస్ట్ 4న థియేటర్స్ లో విడుదల కాబోతోంది.

'దిల్ సే' మూవీ ప్రీ రిలీజ్ ఈవెంట్ హైదరాబాద్ లో గ్రాండ్ గా జరిగింది. ఈ కార్యక్రమంలో చిత్ర యూనిట్ తో పాటు తెలంగాణ మంత్రి సబితా ఇంద్రా రెడ్డి కుమారుడు పి. కౌశిక్ రెడ్డి, నిర్మాత బెక్కం వేణు గోపాల్ పాల్గొన్నారు.

ఈ సందర్భంగా పి. కౌశిక్ రెడ్డి మాట్లాడుతూ.. "దిల్ సే సినిమా టీజర్, సాంగ్స్, ట్రైలర్ చూశాం. మేకింగ్ బాగుంది ప్రొడక్షన్ వాల్యూస్ బాగున్నాయి. మా నిర్మాత మక్కల్ వీరేంద్ర గారు మంచి సినిమాలు చెయ్యాలని ఇండస్ట్రీకి వచ్చారు. దిల్ సే సినిమా ఆయనకు మంచి పేరు తెచ్చిపెట్టాలని కోరుకుంటున్నాను. అలాగే ఈ సినిమాలో నటించిన నటీనటులు, టెక్నీషియన్స్ అందరికి బెస్ట్ విషెస్ తెలుపుతున్నాను. ఆగస్ట్ 4న విడుదల కాబోతున్న దిల్ సే సినిమాను ప్రేక్షకులలు థియేటర్ లో చూసి ఎంజాయ్ చేస్తారని ఆశిస్తున్నన్నాను" అన్నారు.

'దిల్ సే' సినిమాకు శ్రీకర్ సంగీతం అందించారు. యూత్ తో పాటు ఫ్యామిలీ ఆడియన్స్ కు కూడా నచ్చే విధంగా 'దిల్ సే' ఉండబోతుందని చిత్ర యూనిట్ ఈ ఈవెంట్ లో తెలిపారు.

ఇటీవల ట్రయాంగిల్ లవ్ స్టోరీగా వచ్చిన 'బేబీ' సినిమా ఎంతటి విజయాన్ని సాధించిందో తెలిసిందే. ట్రయాంగిల్ లవ్ స్టోరీగా వస్తున్న 'దిల్ సే' కూడా బాక్సాఫీస్ దగ్గర అలాంటి మ్యాజిక్ చేస్తుందేమో చూడాలి.