English | Telugu
శ్రీ రామరాజ్యం డబ్బింగ్ పూర్తి చేసిన బాలకృష్ణ
Updated : Jul 27, 2011
"శ్రీరామరాజ్యం" డబ్బింగ్ పూర్తి చేసిన బాలకృష్ణ. వివరాల్లోకి వెళితే నందమూరి నటసింహం, యువరత్న నందమూరి బాలకృష్ణ శ్రీరామచంద్రమూర్తిగా, నయనతార సీతా మహా సాధ్విగా, శ్రీకాంత్ లక్ష్మణుడిగా, సాయికుమార్ భరతుడిగా, వాల్మీకిగా నటసామ్రాట్ అక్కినేని నాగేశ్వరరావు నటిస్తూండగా, గ్రేట్ క్రియేటర్ బాపు దర్శకత్వంలో, అభిరుచి ఉన్న యువ నిర్మాత యలమంచిలి సాయిబాబు నిర్మిస్తున్న పౌరాణిక కళాఖండం "శ్రీ రామరాజ్యం". ఈ "శ్రీరామరాజ్యం" చిత్రం ఇటీవల షూటింగ్ పూర్తిచేసుకుంది.
ఈ "శ్రీరామరాజ్యం" చిత్రానికి శ్రీరామచంద్రమూర్తి పాత్రను పోషించిన నందమూరి బాలకృష్ణ తన పాత్రకు డబ్బింగ్ చెప్పటం పూర్తిచేశారు. "శ్రీరామరాజ్యం" చిత్రానికి ఇళయరాజా సంగీతాన్నందించారు. "శ్రీరామరాజ్యం" చిత్రానికి ముళ్ళపూడి వెంకట రమణ స్క్రీన్ ప్లే, మాటలు వ్రాశారు. ఆయన మాటలు వ్రాసిన చివరి చిత్రం ఇదే. బాపుగారు తన స్నేహితుడు ముళ్ళపూడి వెంకట రమణకు ఈ చిత్రాన్ని అంకితమివ్వటం శతవిధాల ముదావహం.