English | Telugu
మొదలైన జె.డి."ఆల్ ది బెస్ట్"
Updated : Dec 26, 2011
జె.డి."ఆల్ ది బెస్ట్" మొదలైంది. వివరాల్లోకి వెళితే సుధా సినిమా పతాకంపై, జె.డి.చక్రవర్తి, శ్రీకాంత్ హీరోలుగా, లక్కీ శర్మను హీరోయిన్ గా పరిచయం చేస్తూ, జె.డి.చక్రవర్తి దర్శకత్వంలో, జె.సాంబశివరావు నిర్మిస్తున్న చిత్రం"ఆల్ ది బెస్ట్". జె.డి."ఆల్ ది బెస్ట్" చిత్రం హైదరాబాద్ రామానాయుడు స్టుడియోలో, డిసెంబర్ 26 వ తేదీన, ఉదయం 9 గంటలకు డాక్టర్ రామానాయుడు క్లాప్ కొట్టగా, గిరిబాబు ముహూర్తం షాట్ కు గౌరవ దర్శకత్వం వహించగా, ఘనంగా ప్రారంభమైంది.
దర్శకుడు జె.డి."ఆల్ ది బెస్ట్" చిత్రం గురించి మాట్లాడుతూ ఇది జంధ్యాల గారి టైపు అవుట్ అండ్ అవుట్ ఎంటర్ టైనర్ చిత్రమనీ, తాను శ్రీకాంత్ "ఎగిరే పావురమా" చిత్రంలో నటిస్తున్నప్పుడు శ్రీకాంత్ "నువ్వు డైరెక్ట్ చేస్తే నేను యాక్ట్ చేస్తాను" అని అన్నాదనీ ఆ మాట ఇన్నాళ్ళకు నిజమవుతోందనీ దర్శకుడు జె.డి.చక్రవర్తి అన్నారు. ఈ చిత్రానికి కృష్ణమోహన్ చల్లా మాటలు వ్రాస్తుండగా, హేమచంద్ర సంగీతాన్నందిస్తున్నారు. పాటలను జొన్నవిత్తుల వ్రాస్తూండగా, సినిమాటోగ్రఫీని శివకుమార్, ఫైట్స్ నందు నిర్వహిస్తున్నారు.